ବିଲରେ ଛେଳି ଚରାଉ ଥିବା ବେଳେ ବଜ୍ରାଘାତ, ଜଣେ ମୃତ
ବଣାଇ : ସୁନ୍ଦରଗଡ ଜିଲ୍ଲା ବଣାଇ ଥାନା ଅନ୍ତର୍ଗତ ଜମକେଇ ଗ୍ରାମର ରାମ ଚନ୍ଦ୍ର ପଲେଇଙ୍କ ବଜ୍ରାଘାତରେ ମୃତ୍ୟୁ ଘଟିଛି । ସୂଚନା ଅନୁଯାଇ, ରାମଚନ୍ଦ୍ର ପଲେଇ ବିଲକୁ ଛେଳି ଚରାଇବାକୁ ଯାଇଥିବା ବେଳେ ଦିନ ପ୍ରାୟ ୧ ଟା ସମୟରେ ଅଚାନକ ଘଡଘଡି ସହ ବଜ୍ରପାତ ଓ ବର୍ଷା ହୋଇଥିଲା । ରାମଚନ୍ଦ୍ରଙ୍କ ଉପରେ ବଜ୍ରାଘାତ ହେବାରୁ ସେ ଗୁରୁତର ହୋଇ ପଡ଼ିଥିଲେ । ଫଳରେ ତାଙ୍କୁ ସ୍ଥାନୀୟ ଲୋକଙ୍କ ସହାୟତାରେ ବଣେଇ ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ ପଠାଇ ଥିବା ବେଳେ ଘଟଣାର ତଦନ୍ତ ଚଲାଇଛି ।
