ଭୁବନେଶ୍ୱର : ନୂଆଁଖାଇ ଶୁଭେଚ୍ଛା ଜଣାଇଲେ ବିରୋଧୀ ଦଳ ନେତା ନବୀନ ପଟ୍ଟନାୟକ। ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇରେ ସମ୍ୱଲପୁରର ଅଧିଷ୍ଠାତ୍ରୀ ଦେବୀ ମା’ ସମଲେଇଙ୍କ କୃପା ଆପଣମାନଙ୍କ ଉପରେ ବର୍ଷୁ ଥାଉ ବୋଲି କହିଛନ୍ତି ନବୀନ । ଏହାସହ ସମସ୍ତଙ୍କ ଜୀବନ ସୁଖ, ସମୃଦ୍ଧିରେ ଭରିଯାଉ ବୋଲି କାମନା କରିଛନ୍ତି । ଡାକ୍ତରଖାନାରୁ ସୁସ୍ଥ ହୋଇଫେରିବା ପରେ ପ୍ରଥମ ଭିଡିଓ ବାର୍ତ୍ତାରେ ନୂଆଁଖାଇର ଶୁଭେଚ୍ଛା ଜଣାଇଛନ୍ତି ବିଜେଡି ସୁପ୍ରିମୋ ।
ନୂଆଁଖାଇ ଜୁହାର୍ 🙏🏻
ନୂଆଁଖାଇ ଉଧେ ସମ୍ କୁ ମୋର୍ ଗୁର୍ଦୁଟେ ଶୁଭେଚ୍ଛା ଆର୍ ଅଭିନନ୍ଦନ୍। ମା’ ସମଲେଇଙ୍କର୍ ଆଶୀର୍ବାଦ୍ ସମ୍ କର୍ ଉପରେ ଥାଉ।
ଜଏ ମା’ ସମଲେଇ 🙏🏻#NuakhaiJuhar pic.twitter.com/7iQPpa4GOO
— Naveen Patnaik (@Naveen_Odisha) August 28, 2025
ମୁମ୍ୱାଇରେ ସର୍ଭାଇକଲ ଆର୍ଥ୍ରାଇଟିସ ସର୍ଜରୀ ଓ ପରେ ଭୁବନେଶ୍ୱରରେ ଡିହାଇଡ୍ରେସନ ପାଇଁ ଚିକିତ୍ସା ହେବା ପରେ ଏହା ଥିଲା ତାଙ୍କ ପ୍ରଥମ ଭିଡିଓ ବାର୍ତ୍ତା । ନିଜ ଦସ୍ତଖତରେ ପ୍ରଥମ ଥର ବିଜେଡିର ଛାତ୍ର ଓ ଯୁବ ସଂଗଠନ ସଭାପତି ନିଯୁକ୍ତ କରିଥିଲେ । ଡାକ୍ତରଖାନାରୁ ସୁସ୍ଥ ହୋଇ ଫେରିବା ପରେ ନବୀବ ନିବାସ ଯାଇ ତାଙ୍କୁ ଭେଟି ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ ଓ ରାଜ୍ୟପାଳ ହରିବାବୁ କମ୍ଭମପତି।
ଆହୁରି ପଢ଼ନ୍ତୁ : ଆଜି ନୂଆଁଖାଇ ତିହାର… ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ