କୋରାପୁଟ (କେନ୍ୟୁଜ୍) : ଜଙ୍ଗଲ ଭିତରେ ଗଛରେ ରସି ଲଗାଇ ଆତ୍ମହତ୍ୟା କରିଛନ୍ତି ଜଣେ ଯବାନ୍ । କୋରାପୁଟ ସର୍କିଟ ହାଉସ ନିକଟ ଜଙ୍ଗଲରେ ସେ ଆତ୍ମହତ୍ୟା କରିଥିବା ଜଣାପଡ଼ିଛି । ମୃତ ଯବାନ ହେଲେ ସୁନ୍ଦରଗଡର ଜିଲ୍ଲା ତଳସରା ଥାନା ଟାଙ୍ଗରା ଗାଁର ଦୀପକ ଡୁଙ୍ଗଡୁଙ୍ଗ । ସେ କୋରାପୁଟକୁ ବଦଳି ହୋଇ ଆସିଥିଲେ ।
ଦୀପକ ଗତ ୮ ଦିନ ତଳେ ଏଠାରେ ଚାକିରିରେ ଯୋଗ ଦେଇଥିଲେ। ତେବେ ଚାକିରିରେ ଯୋଗଦେବା ପରଦିନ ଅର୍ଥାତ୍ ଗତ ବୁଧବାର ଠାରୁ ସେ ନିଖୋଜ ଥିଲେ । ଆଜି ତାଙ୍କର ମୃତଦେହ ଗଛରେ ଝୁଲୁଥୁବା ଅବସ୍ଥାରେ ଦେଖିବାକୁ ମିଳିଥିଲା ।
ସୂଚନା ପାଇ ଘଟଣାସ୍ଥଳରେ କୋରାପୁଟ ଟାଉନ ଥାନା ପୋଲିସ ପହଞ୍ଚି ଶବକୁ ଜବତ କରିଛି । ଆତ୍ମହତ୍ୟାର କାରଣ କଣ ଜଣାପଡ଼ି ନାହିଁ । ପୋଲିସ୍ ଏ ସମ୍ପର୍କରେ ତଦନ୍ତ କରୁଛି ।