କେନ୍ୟୁଜ୍(ବ୍ୟୁରୋ): ପାରଳାଖେମୁଣ୍ଡି ACF ସୌମ୍ୟରଞ୍ଜନ ମହାପାତ୍ରଙ୍କ ସନ୍ଦେହଜନକ ମୃତ୍ୟୁ ଘଟଣାରୁ ଖୁବଶୀଘ୍ର ହଟିପାରେ ପରଦା । ତଦନ୍ତ ପାଇଁ ବଲାଙ୍ଗିରରେ ଗଜପତି ପୋଲିସ ଟିମ୍ । ଗତକାଲି ବିଳମ୍ବିତ ରାତିରେ ଗଜପତି ପୋଲିସର ୫ ଜଣିଆ ଟିମ୍ ବଲାଙ୍ଗିରରେ ପହଞ୍ଚିଛି। ସୌମ୍ୟରଞ୍ଜନଙ୍କ ପତ୍ନୀ ବିଦ୍ୟାଭାରତୀ ପଢୁଥିବା ପ୍ରାଣୀଧନ ନିରୀକ୍ଷକ ତାଲିମ କେନ୍ଦ୍ରକୁ ଯାଇ ପଚାରଉଚରା କରିବ। ସୌମ୍ୟରଞ୍ଜନ ମୃତ୍ୟୁ ମାମଲାରେ ଡିଏଫଓ, ରୋଷେୟା ଓ ଗୁରାଣ୍ଡି ଥାନା ଓଆଇସିଙ୍କୁ ପୋଲିସ କ୍ଲିନଚିଟ୍ ଦେଇଛି ।
ବର୍ତ୍ତମାନ ସୁଦ୍ଧା ତଦନ୍ତରେ ତାଙ୍କର ସଂପୃକ୍ତି ନେଇ ପ୍ରମାଣ ମିଳିନି । ୩ ଜଣଙ୍କୁ ଗଜପତି ପୋଲିସ କ୍ଲିନଚିଟ୍ ଦେଇଥିବା ବେଳେ ଏବେ ବି ପତ୍ନୀ ବିଦ୍ୟାଭାରତୀଙ୍କ ଭୂମିକା ବାବଦରେ କିଛି କହିନି ପୋଲିସ । ବିଦ୍ୟାଭାରତୀ ବଲାଙ୍ଗିର ପ୍ରାଣୀଧନ ନିରୀକ୍ଷକ ତାଲିମ କେନ୍ଦ୍ରରେ ତାଲିମ ନେଉଥିଲେ । ବାହାଘର ପରେ ବିଦ୍ୟାଭାରତୀ ଏପ୍ରିଲ ୩ ତାରିଖରେ ବଲାଙ୍ଗିର ଆସିଥିଲେ। ୧୧ ତାରିଖରେ ସେ କଲେଜରେ ବାହାଘର ଭୋଜି ଦେଇଥିଲେ। ତେବେ ଘଟଣାରେ ତାଙ୍କର କିଭଳି ରହିଛି ସଂପୃକ୍ତି ସେନେଇ ସସପେନ୍ସ ହଟିନି । ସେପଟେ ଗଜପତି ଏସପି କହିଛନ୍ତି, ଦରକାର ହେଲେ ପୁଣି ସମସ୍ତଙ୍କୁ ଜେରା ହେବ । ଦରକାର ପଡିଲେ ସାଇବର ଏକ୍ସପର୍ଟଙ୍କ ସହଯୋଗ ନିଆଯିବ । ପ୍ରତ୍ୟେକ ଦିଗରୁ ସୌମ୍ୟରଞ୍ଜନଙ୍କ ମୃତ୍ୟୁ ମାମଲାରେ ମାମଲାର ତଦନ୍ତ ଚାଲିଛି । ଯୋଗାଡ଼ ଚାଲିଛି ଅଧିକ ତଥ୍ୟ ପ୍ରମାଣ । ୧୧ ଦିନ ପରେ ବି ମୃତ୍ୟୁ ରହସ୍ୟ ଉପରୁ ହଟିନି ପରଦା । ଖୁବଶୀଘ୍ର ପୋଲିସ ନିଷ୍କର୍ଷରେ ପହଞ୍ଚିବା ଆଶା କରାଯାଉଛି ।
ନବରଙ୍ଗପୁର (କେନ୍ୟୁଜ) : ରଜ ଆସିଲାଣି ଚାରିଆଡେ ମହକିଲାଣି ପଣସର ବାସ୍ନା । ଏଇ ଦିନରେ ପଣସର ଚାହିଦା ବହୁତ…
ଛତ୍ରପୁର(କେନ୍ୟୁଜ): ଗଞ୍ଜାମ ବ୍ଲକ ଅନ୍ତର୍ଗତ ମଲାଡ଼ ପଞ୍ଚାୟତର ବାହାଲପୁର ଗ୍ରାମର ଅଧିଷ୍ଠାତ୍ରୀ ଦେବୀ ମା’ ସିଦ୍ଧ ବୁଢ଼ୀ ଠାକୁରାଣୀଙ୍କ ଯାତ୍ରା…
ଉତ୍ତରପ୍ରଦେଶର ଫିରୋଜାବାଦରେ ଆଗ୍ରା-ଲକ୍ଷ୍ନୌ ଏକ୍ସପ୍ରେସ ୱେରେ ମର୍ମନ୍ତୁଦ ସଡ଼କ ଦୁର୍ଘଟଣା । ଡ୍ରାଇଭରଙ୍କ ଆଖି ଲାଗିଯିବାରୁ ଯାତ୍ରୀବାହୀ ବସ୍ ଓଲଟି…
ବଲିଉଡର ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ବର୍ତ୍ତମାନ ବଲିଉଡରେ କମ୍ ଆକ୍ଟିଭ ଏବଂ ଓଲିଉଡରେ ଅଧିକ ଆକ୍ଟିଭ ରୁହନ୍ତି ।…
ପିପିଲି(କେନ୍ୟୁଜ): ଯୁଆଡ଼େ ଦେଖିବେ ବୃନ୍ଦାବତୀଙ୍କ ଆସ୍ଥାନ । ଦିନେ ଘାସ ବୁଦାରେ ପରିପୂର୍ଣ୍ଣ ହୋଇଥିବା ସ୍ଥାନଟି ଆଜି କଳା ଏବଂ…
ଭୁବନେଶ୍ୱର (କେନ୍ୟୁଜ): ଓଡ଼ିଶା ଛୁଇଁଲା ମୌସୁମୀ ବାୟୁ । ଚଳିତ ବର୍ଷ ସ୍ବାଭାବିକ ସମୟର ୪ ଦିନ ପୂର୍ବରୁ ଆଜି…