ପାଟଣା ପୋଲିସ ପଞ୍ଝାରେ ୪ ଆନ୍ତଃରାଜ୍ୟ ଡ଼କାୟତ ଗ୍ୟାଙ୍ଗ
ଘଟଗାଁ : କେନ୍ଦୁଝର ଜିଲ୍ଲା ପାଟଣା ଥାନା ପୋଲିସ ୪ ଜଣ ଆନ୍ତଃ ରାଜ୍ୟ ଡକାୟତିଙ୍କୁ ଗିରଫ କରିଛି । ସେମାନଙ୍କ ଠାରୁ ସୁନା ଗହଣା ଓ ରୁପା ଅଳଙ୍କାର ସହ ୪ ଟି ମୋବାଇଲ ଫୋନ ଜବତ କରାଯାଇଛି । ଗିରଫ ପରେ ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ । ଅଭିଯୁକ୍ତମାନେ ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ଘର ଚାବି ଭାଙ୍ଗି ଲୁଟ୍ କରିଥିଲେ । ଗିରଫ ସମସ୍ତ ଅଭିଯୁକ୍ତ ଝାରଖଣ୍ଡ ଅଞ୍ଚଳର । ଅଭିଯୁକ୍ତ ୪ ଜଣଙ୍କ ନାମରେ ପାଟଣା ଥାନାରେ ୪ଟି କେସ, ଘଟଗାଁ ଥାନାରେ ୩ଟି , ହରିଚନ୍ଦନପୁର ଥାନାରେ ଗୋଟିଏ ତୁରୁମୁଙ୍ଗା ଥାନାରେ ୨ ଟି ଓ ଝୁମ୍ପୁରା ଥାନାରେ ୨ ଟି କ୍ରାଇମ କରିଥିବା ପୋଲିସ ପ୍ରେସମିଟରେ ସୂଚନା ଦେଇଛି।
