ଲଗାଣ ବର୍ଷାରେ ବେହାଲ ବରଗଡ, ହନ୍ତସନ୍ତ ହେଲେ ସ୍ଥାନୀୟଲୋକେ
ବରଗଡ: ଲଗାଣ ବର୍ଷା ଯୋଗୁଁ ବରଗଡରେ ସୃଷ୍ଟି ହୋଇଛି କୁତ୍ରିମ ବନ୍ୟା । ସହରର ସ୍ଥିତି ବେହାଲ । କେଉଁଠି ରାସ୍ତା ଉପରେ ପାଣି ତ ଆଉ କେଉଁଠି ଘର ଭିତରେ ପାଣି ପଶି ଯାଇଛି । ପାଣିରେ ଉବୁଟୁବୁ ଘରର ଆସବାବ ପତ୍ର । ଦୋକାନ ବଜାର ସହ ରାସ୍ତାରେ ଲହଡି ଭାଙ୍ଗୁଛି ବର୍ଷା ପାଣି । ବର୍ଷା ପାଣି ସ୍ଥାନୀୟ ଅଞ୍ଚଳରେ ଜମି ରହିଥିବାରୁ ଲୋକେ ପାଣି ଘେରରେ ରହିଛନ୍ତି ।
ଯାହା ଫଳରେ ହନ୍ତସନ୍ତ ହେଉଛନ୍ତି ସ୍ଥାନୀୟଲୋକେ । ରାସ୍ତା ଉପରେ ପାଣି ଜମି ରହିଥିବା ବର୍ଷା ସୁଅ ରହିଥିବା ହେତୁ ଯାତାୟତରେ ଅସୁବିଧା ହେଉଛି । ଏନେଇ ପୌର ପରିଷଦକୁ ଅନୁରୋଧ କରିଛନ୍ତି ଗ୍ରାମବାସୀ ।
