ଭାରସାମ୍ୟ ହରାଇ ଓଲଟିଲା ପେଟ୍ରୋଲ ବୋଝେଇ ଟ୍ୟାଙ୍କର: କିଏ ବାଲ୍ଟିରେ ତ କିଏ ବାସନ ଆଣି ବୋହି ନେଲେ
ସୁବର୍ଣ୍ଣପୁର(କେନ୍ଯୁଜ): ଭାରସାମ୍ୟ ହରାଇ ଓଲଟିଲା ପେଟ୍ରୋଲ ବୋଝେଇ ଟ୍ୟାଙ୍କର। ଦୁର୍ଘଟଣାରେ ଗାଡି ଡ୍ରାଇଭର ଓ ହେଲପର ଗୁରୁତର ଆହତ ହୋଇଛନ୍ତି। ସେମାନଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଝାରସୁଗୁଡ଼ାରୁ କୋରାପୁଟ ଲକ୍ଷ୍ମୀପୁର ଅଭିମୁଖେ ଯାଉଥିବା ସମୟରେ, ରାସ୍ତା ଖରାପ ଥିବାରୁ ଗାଡିଟି ଭାରସାମ୍ୟ ହରାଇ ଓଲଟି ପଡ଼ିଥିବା କୁହାଯାଇଛି ।
ତେବେ ଟ୍ୟାଙ୍କରଟି ଦୁର୍ଘଟଣାଗ୍ରସ୍ତ ହେବା ପରେ ପେଟ୍ରୋଲ ରାସ୍ତାରେ କଡ଼ରେ ଥିବା ବିଲରେ ଢ଼ାଳି ହୋଇ ଯାଇଥିଲା। ତାପରେ ଲୋକଙ୍କ ଖୁସି କହିଲେ ନସରେ। କାହାର ସର୍ବନାଷ ତ କାହାର ପୁଷମାସ ଭଳି ପୋଲିସ ଉପସ୍ଥିତିରେ ପେଟ୍ରୋଲକୁ ଲୋକମାନେ ବୋହି ନେଇ ଯାଇଥିଲେ। କିଏ ବାଲ୍ଟି , ଡବାରେ ତ କିଏ ଘରୁ ବାସନ କୁସନ ଧରି ଆଣି ବୋହି ନେଇଥିଲେ ପେଟ୍ରୋଲ।
