ଟ୍ରକକୁ ଧକ୍କା ଦେଲା ପନିପରିବା ବୋଝେଇ ପିକଅପ୍ ଭ୍ୟାନ୍, ୨ ମୃତ
ଗଞ୍ଜାମ : ଟ୍ରକକୁ ଧକ୍କା ଦେଲା ପନିପରିବା ବୋଝେଇ ପିକଅପ୍ ଭ୍ୟାନ୍ । ଦୁର୍ଘଟଣାରେ ୨ ମୃତ । ପିକଅପ୍ ଭ୍ୟାନ ଡ୍ରାଇଭର ଆହାତ । ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ଥାନା ଅନ୍ତର୍ଗତ ପିତଳ ଛକ ନିକଟରେ ଗତକାଲି ବିଳମ୍ବିତ ରାତିରେ ଦୁର୍ଘଟଣା ଘଟିଛି । ମୃତକ ହେଲେ ଧରାକୋଟ ଥାନା ଅନ୍ତର୍ଗତ ସୁନ୍ଦରାପଲ୍ଲୀ ଗାଁର ୧୭ ବର୍ଷୀୟ ସୁମନ ଗନ୍ତାୟତ ଓ ସରଧାପୁର ଗାଁର ୧୮ ବର୍ଷୀୟ ଅଜିତ ବାଡ଼ତ୍ୟା।
ସୂଚନା ଅନୁଯାୟୀ, ପନିପରିବା ବୋଝେଇ ପିକଅପ୍ ଭ୍ୟାନ୍ ଆସିକା ପଟୁ ବ୍ରହ୍ମପୁର ଯାଉଥିବା ବେଳେ ପିତଳ ଛକ ନିକଟରେ ଦୁର୍ଘଟଣା ଘଟିଛି । ଘଟଣାସ୍ଥଳରେ ହିଞ୍ଜିଳି ପୋଲିସ ପହଁଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ କରୁଛି
