ପିପିଲି ପଟ୍ଟନାଇକିଆ ଟ୍ରିପଲ୍ ମର୍ଡର ଘଟଣାରେ ଦୁଇ ମୁଖ୍ୟ ଅଭିଯୁକ୍ତ ଗିରଫ। ସେମାନଙ୍କୁ ଗିରଫ କରିଛି ପୁରୀ ପୋଲିସ। ଦୁଇ ଅଭିଯୁକ୍ତ ହେଲେ ମିଟୁ ବେହେରା ଓ ପୁନିଆ ଓରଫ ପ୍ରହ୍ଲାଦ ବେହେରା। ସିସିଟିଭି ଫୁଟେଜରୁ ଏମାନଙ୍କୁ ଚିହ୍ନଟ କରାଯାଇଥିଲା। ଏକ ଜଙ୍ଗଲରୁ ଦୁହିଁଙ୍କୁ ପୋଲିସ ଗିରଫ କରିଥିବା ବେଳେ ସେମାନଙ୍କ ସୂଚନା ଆଧାରରେ ହତ୍ୟାକାଣ୍ଡରେ ବ୍ୟବହୃତ ଖଣ୍ଡା, ଲୁହାରଡ୍ କୁ ଜବତ କରାଯାଇଛି। ପୂର୍ବରୁ ହତ୍ୟାକାଣ୍ଡରେ ସଂପୃକ୍ତ ୬ ଜଣଙ୍କୁ ଗିରଫ କରିଥିଲା ପୋଲିସ। ପାରିବାରିରକ ଶତ୍ରୁତାରୁ ଗତ ୧୪ ତାରିଖରେ ସ୍ପଷ୍ଟ ଦିବାଲୋକରେ ପଟ୍ଟନାୟକିଆ ଛକ ସ୍ଥିତ ସରଦେଇପୁର ଗାଁରେ ୩ଜଣଙ୍କୁ ଖଣ୍ଡାରେ ହାଣି ବୀଭତ୍ସ ହତ୍ୟା କରାଯାଇଥିଲା। ମୃତକମାନେ ଗୋଟିଏ ପରିବାରର ତିନି ଭାଇ ଥିଲେ।