ବାରଣ ହେଲା ତାଗିଦ ହେଲା କିନ୍ତୁ ମାନିଲେନି ଅମାନିଆ: କଟକ ଆକାଶରେ ଉଡିଲା ଶହ ଶହ ଗୁଡ଼ି, ଜବତ କଲା ପୋଲିସ
କଟକ(କେନ୍ୟୁଜ୍): ଅନେକ ବାରଣ, ତାଗିଦା ଏବଂ ବ୍ୟାନ ସର୍ତ୍ତେ କଟକ ଆକାଶରେ ଚକ୍କର ମାରିଲା ପ୍ଲାଷ୍ଟିକ ସୁତା ସହ ଶହ ଶହ ଗୁଡି । ମକର ସଂକ୍ରାନ୍ତିରେ ଅମାନିଆଙ୍କର ବେଶ ଉତ୍ପାତ ଦେଖିବାକୁ ମିଳିଲା । ଅନେକ ସ୍ଥାନରେ ପଥଚାରୀ ଯାତ୍ରୀ ଆହତ ହୋଇଥିବା ସୂଚନା ମିଳିଛି ।
ଏପରିକି କିଛି ସ୍ଥାନରେ ଲୋକେ ଜୀବନନାଶକ, ପ୍ରାଣଘାତୀ ପ୍ଲାଷ୍ଟିକ ସୂତାକୁ ଏକାଠି କରି ପୋଡିଥିବା ଦେଖିବାକୁ ମିଳିଲା । ବିଭିନ୍ନ ଗଳିକନ୍ଦିରେ ପେଟ୍ରୋଲିଂ ବେଳେ ୭୦ଟି ପ୍ଲାଷ୍ଟିକ ସୂତା ଗୁଡେଇ ହୋଇଥିବା ନଟେଇ ଓ ଶତାଧିକ ଗୁଡିକୁ ଜବତ କରିଛି ବାଦାମବାଡ଼ି ଥାନା ପୋଲିସ।
