ଦାମପୁର ପାହାଡ଼ ଅଞ୍ଚଳରେ ଗଞ୍ଜେଇ ଚାଷକୁ ନେଇ ପୋଲିସ ଓ ଅବକାରୀ ବିଭାଗ ପକ୍ଷରୁ ଚଢ଼ାଉ

ଗଞ୍ଜାମ: ଗଞ୍ଜାମ ଜିଲ୍ଲା ପାଟପୁର ଥାନା ଗୋବିନ୍ଦପୁର ପଂଚାୟତ ଦାମପୁର ପାହାଡ଼ ଅଞ୍ଚଳରେ ପୋଲିସ ଓ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଛି  ।  ପ୍ରାୟ ଏକ କୋଟି ଟଙ୍କାର ଗଞ୍ଜେଇ ଗଛ ନଷ୍ଟ କରାଯାଇଛି  ।  ଏହି ପାହାଡ଼ ଅଞ୍ଚଳରେ ଗଞ୍ଜେଇ ଚାଷ ହୋଇଥିବା ସମ୍ପର୍କରେ ପୋଲିସ ନିକଟରେ ଖବର ପହଞ୍ଚିଥିଲା ।

ପରେ ଗଞ୍ଜାମ ଏସ, ପି ନିର୍ଦ୍ଦେଶ କ୍ରମେ ଆସିକା ଏସ. ଡ଼ି. ପି. ଓ ଙ୍କ ସମେତ ପାଞ୍ଚ ଗୋଟି ଥାନା ଅଧିକାରୀ , ଅବକାରୀ ବିଭାଗ ଇନ୍ସପେକ୍ଟର ଏବଂ ଦୁଇ ପ୍ଲାଟୁନ ପୋଲିସ ଫୋର୍ସ ଏହି ଚଢ଼ାଉ ରେ ସାମିଲ ହୋଇଥିଲେ । ପାହାଡ଼ର ଦଶ ଏକର ଜମିରେ ଗଞ୍ଜେଇ ଚାଷ ହୋଇଥିବା ଦେଖି ପୋଲିସ ଏବଂ ଅବକାରୀ ବିଭାଗ ତାଜୁବ ହୋଇଯାଇଥିଲେ  ।  ଗଛ କାଟି ନିଆଁ ଲଗାଇ ଦିଆଯାଇଥିଲା  ।  ତେବେ ଏହି ସଂକ୍ରାନ୍ତରେ କାହାକୁ ଗିରଫ କରାଯାଇନାହିଁ  ।