ପ୍ରେମିକାଙ୍କୁ ପୋଡ଼ି ମାରିବା ଅଭିଯୋଗ, ପୁରୁଷବନ୍ଧୁଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ
ରାଉରକେଲା : ପ୍ରେମିକାଙ୍କୁ ପୋଡ଼ି ମାରିଥିବା ଅଭିଯୋଗ । ପୁରୁଷବନ୍ଧୁ ! ଅଜୟ କୁମାରଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ରାଉରକେଲାରେ ଷ୍ଟେସନ୍ ରୋଡ ସ୍ଥିତ ଏକ ହୋଟେଲରେ ପୋଡ଼ି ହୋଇ IGH ରେ ଚିକିତ୍ସିତ ଥିବା ଯୁବତୀଙ୍କ ଗତକାଲି ବିଳମ୍ବିତ ରାତିରେ ମୃତ୍ୟୁ ହୋଇଛି । ମୃତ ଯୁବତୀ ବ୍ରାହ୍ମଣୀ ତରଙ୍ଗ ଥାନା ଝରା ବାହାଲ ଅଞ୍ଚଳର ସ୍ବାଗିତିକା ନାଏକ ବୋଲି ଜଣାପଡିଛି । ଗତ ଗୁରୁବାର ଦିନ ଉଭୟ ରାଉରକେଲା ଷ୍ଟେସନ୍ ରୋଡ ଅଞ୍ଚଳର ଏକ ହୋଟେଲରେ ରହିବାକୁ ରୁମ୍ ନେଇଥିଲେ ।
କିଛି ସମୟ ପରେ ଉକ୍ତ ରୁମରୁ ଧୁଆଁ ବାହାରୁଥିବା ହୋଟେଲ କର୍ମଚାରୀମାନେ ଦେଖିବାକୁ ପାଇଥିଲେ । ଗୁରୁତର ଅବସ୍ଥାରେ ଯୁବତୀଙ୍କୁ ଉଦ୍ଧାର କରି IGHରେ ଭର୍ତ୍ତି କରିଥିଲେ । ପୁରୁଷ ବନ୍ଧୁ ଅଜୟ କୁମାର ପ୍ରେମିକାଙ୍କୁ ମାରିଥିବା ପ୍ଲାଣ୍ଟ ସାଇଟ୍ ଥାନାରେ ଅଭିଯୋଗ କରିଛନ୍ତି ମୃତ ଯୁବତୀଙ୍କ ପରିବାର ଲୋକେ । ଘଟଣାରେ ଅଜୟ କୁମାରଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ଅନ୍ୟପଟେ ଘଟଣା ଘଟିଥିବା ହୋଟେଲରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଯାଞ୍ଚ କରିଛି ସାଇଣ୍ଟିଫିକ୍ ଟିମ୍ ।
