କଟକ ଇନ୍ଡୋର ଷ୍ଟାଡିୟମ୍ରେ ଭ୍ୟାକସିନ୍ ନେଲେ ପୋଲିସ ଡିଜି ଅଭୟ
କଟକ: ରାଜ୍ୟରେ ଆଗ ଧାଡ଼ିର କରୋନା ଯୋଦ୍ଧାଙ୍କୁ ଦିଆଯାଉଛି ଟିକା । ଭ୍ୟାକସିନ୍ ନେଲେ ପୋଲିସ ଡିଜି । ପୋଲିସ ବିଭାଗରେ ପ୍ରଥମ ଟିକା ନେଇଛନ୍ତି ପୋଲିସ ଡିଜି ଅଭୟ । କଟକ ଇନ୍ଡୋର ଷ୍ଟାଡିୟମ୍ରେ ସେ ଟିକା ନେଇଛନ୍ତି । ସବୁ ଜିଲ୍ଲାପାଳ ଓ ଏସପିମାନେ ମଧ୍ୟ ଟିକା ନେଉଛନ୍ତି । ସକାଳୁ ଗଞ୍ଜାମ ଜିଲ୍ଲାପାଳ ଓ ଏସ୍ପି ଟିକା ନେଇଛନ୍ତି ।
Corona Vaccine: #Odisha DGP Abhay vaccinated. With this the process to vaccinate frontline workers kicks off in State pic.twitter.com/D9Kh9B9O9l
— Soumyajit Pattnaik (@soumyajitt) February 6, 2021
ଭୁବନେଶ୍ୱରରେ ପୋଲିସ କମିଶନଙ୍କ ଅଫିସ ସମେତ ୩ଟି ସ୍ଥାନରେ ଟିକାକରଣ କରାଯିବ । ଟିକା ନେବା ସମୟର ଫଟୋ ଟ୍ଵିଟ୍ କରିବେ ଅଧିକାରୀ । ଅନ୍ୟମାନଙ୍କର ମନୋବଳ ବଢ଼ାଇବା ସହ ସଚେତନତା ସୃଷ୍ଟି ହେବ । ଭୁବନେଶ୍ୱରରେ ମୋଟ୍ ୧୯ଟି ପ୍ରତିଷ୍ଠାନରେ ୮ହଜାର ୯୩୭ ପୋଲିସ ଅଧିକାରୀ ଓ କର୍ମଚାରୀ ଟିକା ନେବେ । ଆସନ୍ତା ୧୫ ତାରିଖରୁ ରାଜ୍ୟରେ ଦ୍ୱିତୀୟ ଡୋଜ ଟିକାକରଣ ଆରମ୍ଭ ହେବାକୁ ଯାଉଛି ।
