ଭଦ୍ରକ: ସିଭିଲ ଇଞ୍ଜିନିୟର ବୋହୁ ଓ ଶାଶୁ ଘରେ ବିକୁଥିଲେ ଦେଶୀ ମଦ, ରେଡ଼୍ କରି ଗିରଫ କଲା ପୋଲିସ

ଭଦ୍ରକ(କେନ୍ୟୁଜ୍): ଶାଶୁ ଗୃହିଣୀ , ବୋହୁ ସିଭିଲ ଇଞ୍ଜିନିୟର  । କିନ୍ତୁ ତିଆରି କରି ବେଆଇନ ଭାବେ ବିକୁଥିଲେ ଦେଶୀ ମଦ । ଆଜି ରେଡ କଲା ପୋଲିସ ।  ଭଦ୍ରକ ଗ୍ରାମାଞ୍ଚଳ ଥାନା  ଘୁଷୁରୀ ପୋଖରୀ ଗାଁରେ ଚାଲିଥିବା ବେପାର ଉପରେ  ପୋଲିସ ଚଢ଼ାଉ କରିଛି । ଚଢ଼ାଉ ବେଳେ ଆଲାଦୀ ସିଂ ତାଙ୍କ ଘର ପଛ ପଟେ ଦେଶୀ ମଦ ରାନ୍ଧି ବିକ୍ରି କରୁଥିଲେ । ଖବର ପାଇ ପୋଲିସ ଚଢ଼ାଉ କରିଥିଲା ।

ଚଢ଼ାଉ ବେଳେ ଦୁଇ ପୁଅ ଖସି ଯାଇଥିବା ବେଳେ ବୋହୂ ସରସ୍ୱତୀ ଯିଏ କି ଜଣେ ସିଭିଲ ଇଞ୍ଜିନିୟର ତାଙ୍କୁ ମଧ୍ୟ ଗିରଫ କରିଛି । ଘଟଣାସ୍ଥଳରୁ ଏକ ହଜାର ଲିଟରରୁ ଅଧିକ ଦେଶୀ ମଦ ସହ ପୋଚ ଜବତ ହୋଇଛି । ମଦ ରାନ୍ଧିବା ପାଇଁ ବ୍ୟବହୃତ ଉପକରଣ ସହ ନଗଦ ୧ ଲକ୍ଷ ଟଙ୍କା ଜବତ କରାଯାଇଛି  । ଗୋଟିଏ କାର ସହ ସ୍କୁଟିକୁ ମଧ୍ୟ ପୋଲିସ ଜବତ କରିଛି  ।