ଖଜା ବ୍ୟବସାୟୀ ଦିନେଶ ଖୁଣ୍ଟିଆ ହତ୍ୟା ଘଟଣାର ପର୍ଦ୍ଦାଫାସ କରିଛି ପୋଲିସ
ପୁରୀ : ପୁରୀର ଯୁବ ଖଜା ବ୍ୟବସାୟୀ ଦିନେଶ ଖୁଣ୍ଟିଆ ହତ୍ୟା ଘଟଣାର ପର୍ଦ୍ଦାଫାସ କରିଛି ପୁରୀ ପୋଲିସ। ଖଜା ବ୍ୟବସାୟକୁ କେନ୍ଦ୍ରକରି ଗତ ୮ ତାରିଖ ରାତିରେ ଦିନେଶ ଖୁଣ୍ଟିଆକୁ ଅତି ନିର୍ମମ ଭାବେ ହତ୍ୟା କରିଥିଲେ ପାଞ୍ଚଜଣ ଅଭିଯୁକ୍ତ । ତେବେ ଏହି ପାଞ୍ଚଜଣ ଅଭିଯୁକ୍ତଙ୍କୁ ଟାଉନ ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଥିବା ବେଳେ ଏଥିରେ ଜଣେ ନାବାଳକ ରହିଛି ।
ଅଭିଯୁକ୍ତଙ୍କ ଠାରୁ ପୋଲିସ ଗୋଟିଏ ଭୁଜାଲି ଓ ଛୁରୀ ଜବତ କରିଛି । ଗିରଫ ଅଭିଯୁକ୍ତ ହେଲେ ସୋମୁ ଓରଫ ରୁଦ୍ରନାରାୟଣ ସାହୁ, କାହ୍ନା ଓରଫ ପ୍ରଦୀପ୍ତ ସାହୁ, ବବି ଓରଫ କୁଲଦୀପ ବାନାର୍ଜୀ ଓ ମଧୁ ଓରଫ ରୁପେନ୍ଦ୍ର ଜେନା । ପୁରୀ ଟାଉନ ଥାନା ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ଅତିରିକ୍ତ ଏସପି ଦେବବ୍ରତ ଚକ୍ର । ସାମ୍ବାଦିକ ସମ୍ମିଳନୀରେ ଅତିରିକ୍ତ ଏସପି ସୁଶୀଲ କୁମାର ମିଶ୍ର, ସିଟି ଡିଏସପି ପ୍ରଶାନ୍ତ ସାହୁ, ଟାଉନ ଥାନା ଅଧିକାରୀ ସୁନିଲ୍ ପ୍ରଧାନ ଉପସ୍ଥିତ ଥିଲେ ।
