ନେତା ରୂପରେ ଆସିଲେ ଅଭିନେତା ପ୍ରକାଶ ରାଜ୍‌

ଭୁବନେଶ୍ୱର (କେ ନ୍ୟୁଜ୍‌) : ଭୁବନେଶ୍ୱର ଉତ୍କଳ ମଣ୍ଡପରେ ଓଡିଶା ଜନଚେତନା ମଞ୍ଚ ପକ୍ଷରୁ ଆୟୋଜିତ ସମ୍ବିଧାନ ବଞ୍ଚାଅ ଦେଶ ବଞ୍ଚାଅ କାର୍ଯ୍ୟକ୍ରମରେ ଯୋଗ ଦେଲେ ବିଶିଷ୍ଟ ଚଳଚ୍ଚିତ୍ର ଅଭିନେତା ପ୍ରକାଶ ରାଜ୍‌ । ସେ ପ୍ରଥମ ଥର ଓଡିଶା ଗସ୍ତରେ ଆସିଥିଲେ । ଏଠାରେ ଅନୁଷ୍ଠିତ ଆଲୋଚନାଚକ୍ରରେ ଭାଗ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଥିଲେ । କହିଥିଲେ, ସମ୍ବିଧାନ ଅସୁରକ୍ଷିତ । ସରକାରକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକଙ୍କୁ ଠକିଛନ୍ତି । ଉତ୍ତମ ଶାସନ ପରିବର୍ତ୍ତେ ଧର୍ମୀୟ ଭାବନା ଉପରେ ହସ୍ତକ୍ଷେପ କରିଥାନ୍ତି । ବିଜେପି ଓ ଆରଏସଏସ ଆଦର୍ଶରେ ସରକାର ଚାଲିଛି, ଏପରି ଚାଲିବା ଠିକ ନୁହଁ ବୋଲି ପ୍ରକାଶ ରାଜ କହିଛନ୍ତି ।

ସିଂହମ୍‌, ଓ୍ଵାଣ୍ଟେଡ୍‌ ଭଳି ସୁପରହିଟ୍‌ ଫିଲ୍ମରେ ଖଳନାୟକ ଭୂମିକାରେ ଅଭିନୟ କରିଥିବା ପ୍ରକାଶ ରାଜ୍‌ ହେଉଛନ୍ତି ଦକ୍ଷିଣ ଭାରତୀୟ ଫିଲ୍ମର ସୁପର ଭିଲେନ୍‌ । ତେବେ ସେ ଦୀର୍ଘ ଦିନ ହେବ ସମାଜସେବା କ୍ଷେତ୍ରରେ ମଧ୍ୟ ରହିଛନ୍ତି । ପରଦାରେ ତାଙ୍କର ଅଭିନୟ ଭଳି ସେ ଜଣେ ଫାୟାରବ୍ରାଣ୍ଡ ନେତା ମଧ୍ୟ ।