ରାଷ୍ଟ୍ରୀୟ ବିଜ୍ଞାନ ପୁରସ୍କାର ପାଇଲେ ଓଡ଼ିଆ ବୈଜ୍ଞାନିକ ଡ. ଦିଗେନ୍ଦ୍ର ନାଥ ସ୍ୱାଇଁ
ଭୁବନେଶ୍ୱର (କେନ୍ୟୁଜ୍) : ଓଡ଼ିଶା ପାଇଁ ଗୌରବ ଆଣିଲେ ଓଡ଼ିଆ ବୈଜ୍ଞାନିକ ଡ. ଦିଗେନ୍ଦ୍ର ନାଥ ସ୍ୱାଇଁ । ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ରାଷ୍ଟ୍ରୀୟ ବିଜ୍ଞାନ ପୁରସ୍କାରରେ ସମ୍ମାନିତ କରିଛନ୍ତି । ଆଜି ରାଷ୍ଟ୍ରପତି ଭବନ ଠାରେ ୨୦୨୪ ବର୍ଷ ପାଇଁ ରାଷ୍ଟ୍ରପତି ବିଭିନ୍ନ କ୍ଷେତ୍ରରେ ପାରଦର୍ଶିତା ପାଇଁ ପୁରସ୍କାର ପ୍ରଦାନ କରିଛନ୍ତି । ତିରୁବନନ୍ତପୁରମ ସ୍ଥିତ ଇସ୍ରୋର ବିକ୍ରମ ସାରାଭାଇ ସ୍ପେସ୍ ସେଣ୍ଟରରେ କାଯ୍ୟର୍ରତ ଡ. ଦିଗେନ୍ଦ୍ର ନାଥ ମହାକାଶ ବିଜ୍ଞାନ ଗବେଷଣା କ୍ଷେତ୍ରରେ ସ୍ୱତନ୍ତ୍ର ଅବଦାନ ପାଇଁ ପୁରସ୍କୃତ କରାଯାଇଛି ।
ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଗୌତମି ଅଞ୍ଚଳରେ ଜନ୍ମ ଡ. ଦିଗେନ୍ଦ୍ର ନାଥ ସ୍ୱାଇଁଙ୍କର । ସେ ହେଉଛନ୍ତି ଲଞ୍ଚ ଭେଇକଲ୍ ଷ୍ଟ୍ରକଚରାଲ ଇଞ୍ଜିନିୟରିଂରେ ଜଣେ ପ୍ରୟୋଗାତ୍ମକ ବୈଷୟିକ ବିଶେଷଜ୍ଞ ଭାବେ କାର୍ଯ୍ୟରତ । ଅନେକ ରକେଟ୍ ପରୀକ୍ଷଣରେ ତାଙ୍କର ମହତ୍ୱପୂର୍ଣ୍ଣ ଯୋଗଦାନ ରହିଛି । ତାଙ୍କୁ ମିଳିଛି ବିଜ୍ଞାନ ଯୁବ ଶାନ୍ତି ସ୍ୱରୂପ ଭଟନାଗର ପୁରସ୍କାର ।
