ଚୌଦ୍ୱାର: ଚୌଦ୍ୱାର ଜେଲ ଭିତରେ କଏଦୀଙ୍କ ସେଲ୍ଫି ଫଟୋ ଭାଇରାଲ। ଫଟୋ ସୋସିଆଲ ମିଡିଆରେ ଅପଲୋଡ ହେବା ପରେ ଭାଇଚାଲ। କେଉଁଠି ଜେଲ ୱାର୍ଡ ସାମନାରେ ବସି କଏଦୀମାନେ ମୋବାଇଲରେ ଫଟୋ ଉଠାଉଛନ୍ତି ତ ଆଉ କେଉଁଠି ଗଞ୍ଜେଇ ଦଳିବାର ଫଟୋ ରହିଛି। ଆଶ୍ଚର୍ଯ୍ୟଜନକ ଭାବେ ତୃତୀୟ ଥର ପାଇଁ ୱାର୍ଡରେ ଥିବା ପେସାଦାର ଅପରାଧୀ କଟକ ମାଲଗୋଦାମ ନଦୀକୂଳ ସାହିର ହାପି ଓରଫ ବିଶ୍ୱଜିତ ମହାନ୍ତିର ଫଟୋ ଭାଇରାଲ ହୋଇଛି। ହାପି ସହ ଅନ୍ୟ ୪ ସହଯୋଗୀ ୫ନଂ ୱାର୍ଡ ବାହାରେ ଓ ଭିତରେ ସେଲଫି ନେଉଛନ୍ତି। ଦୁଇଟି ଯାକ ଫଟୋକୁ ସେ ନିଜ ଆଣ୍ଡ୍ରଏଡ ଫୋନରେ ଉଠାଇ ବାହାରକୁ ପଠାଇଛି। ୨୦୧୮ ଦଶହରା ସମୟରେ ଦୁର୍ଦ୍ଦାନ୍ତ ରାଜା ଓ ହାଡିଆ ନିଜ ସେଲଫି ଉଠାଇ ଭାଇରାଲ କରିଥିଲେ। ଗତବର୍ଷ ଡିସେମ୍ବର ୨ତାରିଖରେ ମଧ୍ୟ ସେଲଫି ଭାଇରାଲ ହୋଇଥିଲା। ବାରମ୍ବାର ଚୌଦ୍ୱାର ଜେଲ ମଧ୍ୟକୁ ଫୋନ ଯିବା ଘଟଣା ଜେଲ କର୍ତ୍ତୃପକ୍ଷଙ୍କ ଉପରକୁ ଆଙ୍ଗୁଳି ଉଠାଇଛି।