ସାଇକୋ କିଲର ନାରାୟଣ ସାହୁ କିଏ ? ସାମ୍ନାକୁ ଆସିଲା ଫଟୋ

କଟକ(କେନ୍ୟୁଜ୍): କଟକର ସାଇକୋ କିଲର ନାରାୟଣ ସାହୁ କିଏ ? ନାରାୟଣ ସାହୁର ଏକ ଫଟୋ ସାମ୍ନାକୁ ଆସିଛି । ସିସିଟିଭି ଫୁଟେଜକୁ ଆଧାର କରି ଗତକାଲି ନାୟାଗଡ଼ରୁ ନାରାୟଣକୁ ଗିରଫ କରିଛି ପୋଲିସ । ନାରାୟଣଙ୍କୁ ଅଟକ ରଖି ଏବେ ପୋଲିସ ପଚରା ଉଚରା କରୁଛି । ନୟାଗଡ଼ର ନାରାୟଣ ୫ ବର୍ଷରୁ ଅଧିକ ସମୟ ଧରି ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ କୁମ୍ପାପଡ଼ା ଗାଁରେ ବ୍ୟବସାୟ କରୁଥିଲା । ପ୍ରଥମେ ସେ ଭଡ଼ା ଘରେ ରହି ଚୁଡି ବ୍ୟବସାୟ କରିଥିଲା । ବ୍ୟବସାୟରେ ଉନ୍ନତି ହେବାରୁ ରୁପା ବ୍ୟବସାୟ ଆରମ୍ଭ କରିଥିଲା । ଏହା ସହ ନିଜେ ଏକ ଘର କରିଥିଲା । ପରବର୍ତ୍ତୀ ସମୟରେ ବ୍ୟବସାୟରେ କ୍ଷତି ହେବାରୁ ଧାରକରଜ କରି ଦେବାଳିଆ ହୋଇଯାଇଥିଲା । ଏହା ପରେ ମାନସିକ ଭାରସାମ୍ୟ ହରାଇଥିଲା । ତାର ଗୋଟିଏ ଝିଅ, ଗୋଟିଏ ପୁଅ ଓ ପତ୍ନୀ ଘର ଛାଡି ନୟାଗଡ଼ ଓଡଗାଁ ମହିପୁର ଗାଁକୁ ଚାଲି ଯାଇଥିଲେ । କିନ୍ତୁ ନାରାୟଣ କୌଣସି ହତ୍ୟା କରିଥିବା ନେଇ ବେଲଗୁଣ୍ଠା ଥାନାରେ ଅଭିଯୋଗ ନଥିବା ଫାଣ୍ଡି ଅଧିକାରୀ କହିଛନ୍ତି ।