ପୁରୀ: ନିଶାସକ୍ତ ଅବସ୍ଥାରେ ଡିୟୁଟି କରିବା ପଡିଲା ମହଙ୍ଗା। ତାଳବଣିଆ ଥାନାର ଏଏସ୍ଆଇଙ୍କୁ ଗତରାତିରେ ନିଲମ୍ବିତ କରାଯାଇଛି। ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟା ବେଳେ ଏଏସ୍ଆଇ ଲକ୍ଷ୍ମଣ ସୋରେନ୍ ପୁରୀ-କୋଣାର୍କ ମେରାଇନ୍ ଡ୍ରାଇଭ୍ ଅନ୍ତର୍ଗତ ଗ୍ରିଡ୍ ଷ୍ଟେସନ୍ ଛକରେ ମୋଟର ଯାନ ଯାଞ୍ଚ କରୁଥିବା ବେଳେ ନିଶାସକ୍ତ ଅବସ୍ଥାରେ ଥିଲେ।
ଏ ନେଇ ଜିଲ୍ଲା ପୋଲିସ ସୁପରିଣ୍ଟେଣ୍ଡେଣ୍ଟ୍ଙ୍କ ପାଖରେ ଖବର ପହଞ୍ଚିବା ପରେ ସେ ତାଙ୍କୁ ନିଲମ୍ବିତ କରିଛନ୍ତି। ନିଶାପାନ କରି ଡିୟୁଟି କରିବା ଏବଂ ଡିୟୁଟିରେ ଅବହେଳା କରିଥିବା କାରଣରୁ ସୋରେନ୍ଙ୍କୁ ନିଲମ୍ବିତ କରାଯାଇଥିବା ଜଣାପଡ଼ିଛି।