ପିଟି ପିଟି ମାରିଦେଲେ ଅଜଗରକୁ, ୪ ଅଭିଯୁକ୍ତ ଗିରଫ
ମୟୂରଭଞ୍ଜ : ମୟୂରଭଞ୍ଜ ଜିଲ୍ଲା ବାରିପଦା ବନଖଣ୍ଡ ଅନ୍ତର୍ଗତ କୁଳିଅଣା ବ୍ଲକ ଅଞ୍ଚଳରେ କିଛି ଗ୍ରାମବାସୀ ଏକ ଅଜଗର ସାପକୁ ମାରି ରାସ୍ତାରେ ଘୋଷାଡି ଘୋଷାଡି ନେଉଥିବା ଭିଡିଓ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । ବିଲୁପ୍ତପ୍ରାୟ ବନପ୍ରାଣୀ ପ୍ରଜାତି-୧ ବର୍ଗରେ ଆସୁଥିବା ଏହି ସାପକୁ ଏଭଳି ମାରିବା ଧର୍ତ୍ତ୍ୟବ ଅପରାଧ ହୋଇଥିଲେ ହେଁ, ଆଦିବାସୀ ବହୁଳ ମୟୂରଭଞ୍ଜ ଜିଲ୍ଲାର ଜନସାଧାରଣ ସଚେତନ ନୁହନ୍ତି ।
ବାରିପଦା ବନଖଣ୍ଡ କୁଳିଅଣା ଅଞ୍ଚଳରେ ଘଟିଥିଲା ଏହି ଘଟଣା । ଭିଡିଓ ଭାଇରାଲ ପରେ ବନ ବିଭାଗ ନେଲା କାର୍ଯ୍ୟାନୁଷ୍ଠାନ । ଏହି ଘଟଣାରେ ୪ ଅଭିଯୁକ୍ତ ଗିରଫ ହୋଇଛନ୍ତି । ତେବେ ମୟୂରଭଞ୍ଜ ଜିଲ୍ଲାରେ ବିଲୁପ୍ତପ୍ରାୟ ବନ୍ୟପ୍ରାଣୀଙ୍କୁ ହତ୍ୟା ଘଟଣା ବାରମ୍ବାର ଘଟୁଥିବା ବେଳେ ଏନେଇ ବ୍ୟାପକ ଜନସଚେତନତା ଜରୁରୀ ବୋଲି ଦାବି ହୋଇଛି।
