ପୁରୀ : ଆଗକୁ ବଡ଼ ଦିନ ଆଉ ନୂଆ ବର୍ଷ । ଶ୍ରୀକ୍ଷେତ୍ର ପୁରୀରେ ବଢ଼ିଲାଣି ଶ୍ରଦ୍ଧାଳୁ ଓ ପର୍ଯ୍ୟଟକଙ୍କ ଭିଡ଼। ନୂଆ ବର୍ଷରୁ ଧାଡ଼ି ଦର୍ଶନ ବ୍ୟବସ୍ଥା । ଏଥିପାଇଁ ପ୍ରସ୍ତୁତି କରାଯାଉଛି। ବାଉଁଶ ପୋତା ଗଲାଣି । ୩୦ ଓ ୩୧ ତାରିଖରେ ଡେମୋ ହେବ।
ନୂଆ ବର୍ଷ ଭିଡ଼କୁ ଦୃଷ୍ଟିରେ ରଖି ବଡ଼ଦାଣ୍ଡରେ ମରିଚିକୋଟ ଛକ ଠାରୁ ଶ୍ରୀମନ୍ଦିର କାର୍ଯ୍ୟାଳୟ ପର୍ଯ୍ୟନ୍ତ ସ୍ବତନ୍ତ୍ର ବାରିକେଡ୍ ବ୍ୟବସ୍ଥା କରାଯାଉଛି । ଏହି ବ୍ୟାରିକେଡ୍ ଦେଇ ଭକ୍ତମାନେ ସିଂହ ଦ୍ବାର ଦେଇ ପ୍ରବେଶ କରି ଅନ୍ୟ ଦ୍ବାର ଦେଇ ପ୍ରସ୍ଥାନ କରିବେ ।