ଛାତରୁ ଡେଇଁ ପଡ଼ିଲେ ଛାତ୍ର, ସହପାଠୀଙ୍କ ଦ୍ଵାରା ରାଗିଂ ଅଭିଯୋଗ
କଳାହାଣ୍ଡି : ସହପାଠୀ ସାଜିଲେ ଶତ୍ରୁ । ଛାତରୁ ଡେଇଁ ପଡ଼ିଲେ ଛାତ୍ର । ଏପରି ଏକ ଅମାନବୀୟ ଘଟଣା ଗତ ରାତିରେ କଳାହାଣ୍ଡି ଜିଲ୍ଲା ଭବାନୀପାଟଣାସ୍ଥିତ ଏକ ଘରୋଇ କଲେଜ ହଷ୍ଟେଲରେ ଘଟିଛି । ନିଜ ସହପାଠୀମାନଙ୍କ ଦ୍ଵାରା ରାଗିଂର ଶୀକାର ହୋଇଥିବା ଅଭିଯୋଗ ହୋଇଛି । ଛାତ୍ର ଜଣକ ହେଲେ +୨ ଦ୍ବିତୀୟ ବର୍ଷର ଛାତ୍ର। ଗୁରୁତର ଅବସ୍ଥାରେ ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତର ଛାତ୍ରଙ୍କ ଅଭିଭାବକ ଗତକାଲି ରାତିରେ ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
