ଭୁବନେଶ୍ୱର ସମେତ ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା ଜାରି, ଅସ୍ତବ୍ୟସ୍ତ ଜନଜୀବନ
ଭୁବନେଶ୍ୱର : ବର୍ଷୁଛି, ଆହୁକି ବର୍ଷିବ । ରାଜଧାନୀ ଭୁବନେଶ୍ୱର ସମେତ ବିଭିନ୍ନ ସ୍ଥାନରେ ବର୍ଷା ଜାରି । ତୁହାକୁ ତୁହା ବର୍ଷା, ଅସ୍ତବ୍ୟସ୍ତ ଜନଜୀବନ । ବର୍ଷା ଲାଗି ରହିଥିବାରୁ ଯାତାୟାତ ପ୍ରଭାବିତ । ଗତରାତିରେ ଭୁବନେଶ୍ୱରରେ ପ୍ରବଳ ବର୍ଷା ଲାଗି ରହିଛି । ତଳିଆ ଅଞ୍ଚଳରେ ପାଣି ଜମିଛି ।
ସେହିପରି କଟକ, ଭଦ୍ରକ ସମେତ ବିଭିନ୍ନ ସ୍ଥାନରେ ମଧ୍ୟ ବର୍ଷା ଜାରି ରହିଛି । ଆଜିଠୁ କମିବ ବର୍ଷା ପରିମାଣ । ଏପଟେ ହୀରାକୁଦ ଜଳଭଣ୍ଡାରକୁ ଜଳ ପ୍ରବେଶ ବଢୁଥିବାରୁ ୪ଟି ସ୍ଲୁଇସ ଗେଟ ଖୋଲାଯାଇଛି । ଜଳଭଣ୍ଡାରର ଶୀର୍ଷ ସ୍ତର ଏବେ ୬୩୦ ଫୁଟ ରହଥିବା ବେଳେ ୪ଟି ସ୍ଲୁଇସ ଗେଟ ଦେଇ ଜଳ ନିଷ୍କାସନ କରାଯାଉଛି ।
