କିସ୍ ଶ୍ରୀବାଣୀ କ୍ଷେତ୍ରରେ ରାଖୀ ପୂର୍ଣ୍ଣିମା ଓ ଶ୍ରୀବଳଭଦ୍ରଙ୍କ ଜନ୍ମ
ଭୁବନେଶ୍ୱର : ପବିତ୍ର ରାଖୀ ପୂର୍ଣ୍ଣିମା ଓ ବଡ଼ଠାକୁର ଶ୍ରୀବଳଭଦ୍ରଙ୍କ ଜନ୍ମ ଅବସରରେ କିସ୍ ଶ୍ରୀବାଣୀକ୍ଷେତ୍ରରେ ମହାପ୍ରଭୁ ଶ୍ରୀଜଗନ୍ନାଥ, ଶ୍ରୀବଳଭଦ୍ର ଓ ଭଉଣୀ ସୁଭଦ୍ରାଙ୍କଠାରେ ବିଭିନ୍ନ ନୀତି ଯଥାବିଧି ଅନୁଷ୍ଠିତ ହୋଇଛି। ଏହି ଅବସରରେ ଶ୍ରୀବାଣୀକ୍ଷେତ୍ର ବେଦ ପାଠଶାଳାରେ ଶୁକ୍ଳ ଯଜୁର୍ବେଦୀୟ ଶ୍ରାବଣୀ ଉପାକର୍ମ ଅନୁଷ୍ଠିତ ହୋଇଥିଲା । ସଂସ୍କୃତ ଦିବସ ଅବସରରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଯୋଗଦେଇ ପାଠଶାଳାର ବେଦାଧ୍ୟାୟୀମାନଙ୍କୁ ଶୁଭେଚ୍ଛା ଜଣାଇଥିଲେ । ବେଦାଧ୍ୟାୟୀଙ୍କ ବେଦପାଠରେ ସମଗ୍ର ପରିବେଶ ଆଧ୍ୟାତ୍ମ୍ୟମୟ ହୋଇ ଉଠିଥିଲା । ଆଜି କିସ୍ ଛାତ୍ରୀମାନେ କିସ୍ ପରିସରରେ ରକ୍ଷାବନ୍ଧନ ଉତ୍ସବ ପାଳନ କରିଥିଲେ । ଛାତ୍ରୀମାନେ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କ ହାତରେ ରାଖୀ ବାନ୍ଧି ଆଶୀର୍ବାଦ କାମନା କରିଥିଲେ।
