ରାଉରକେଲା(କେ ନ୍ୟୁଜ): ପୁତ୍ର ସନ୍ତାନ ପାଇଁ ଲକ୍ଷେ ଓ କନ୍ୟା ସନ୍ତାନ ପାଇଁ ୩୦ରୁ ୪୦ ହଜାର ଟଙ୍କା ଦେବା ପାଇଁ ଚୁକ୍ତି କରିଥିଲେ ସଙ୍ଗୀତା ଓ ନୀତା ଅଗ୍ରୱାଲ । ଏହାପରେ ସୀମା ନିଜ ଦେଢ଼ ବର୍ଷର ନାତୁଣୀକୁ ସେମାନଙ୍କୁ ଦେଇଥିଲେ ମଧ୍ୟ ଟଙ୍କା ପାଇନଥିଲେ । ଏନେଇ ଥାନାରେ ଅଭିଯୋଗ ପରେ ପୋଲିସ ଶିଶୁକନ୍ୟାକୁ ଉଦ୍ଧାର ସହ ର୍ୟାକେଟର ପର୍ଦ୍ଦାଫାସ କରିଥିଲେ ।
ଅଭିଯୁକ୍ତ ମହିଳାଙ୍କ ମୋବାଇଲ ଫୋନରୁ ମିଳିଥିଲା ବହୁ ଶିଶୁସନ୍ତାନଙ୍କ ଫଟୋ । ପଚରାଉଚରା ବେଳେ ସେମାନେ ଝାଡ଼ଖଣ୍ଡ ଓ ଛତିଶଗଡ଼ରେ ଦୁଇଟି ଶିଶୁ ବିକ୍ରି କରିଥିବା କହିଥିଲେ । ରାକେଟରେ ଅନେକ ପ୍ରଭାବଶାଳୀ ଲୋକ ସମ୍ପୃକ୍ତ ଥିବା ସନ୍ଦେହ କରାଯାଉଛି । ପୋଲିସ ରାକେଟର ଚେର କେତେ ଦୂରକୁ ଲମ୍ବିଛି ତାର ଖୋଳତାଡ଼ ଚଳାଇଛି ।