ନୂଆପଡ଼ା ସିଲ୍ଦା ନିକଟରେ ବୋଲେରୋକୁ ସାମ୍ନାପଟୁ ଧକ୍କା ଦେଲା ଟ୍ରକ, ୧୦ ମୃତ
ନୂଆପଡା(କେନ୍ଯୁଜ୍) : ଆଜି ମହାଷ୍ଟମୀ ପୂଜା । ମାଆ ଦୁର୍ଗାଙ୍କ ପୂଜା ପାଇଁ ଉତ୍ସବ ମୁଖର ପୂରା ପରିବେଶ । ପୂଜା ପାଇଁ ସବୁଠି ଚଳଚଞ୍ଚଳ ଥିବା ବେଳେ ସକାଳୁ ସକାଳୁ ଘଟିଛି ବଡ଼ ଦୁର୍ଘଟଣା । ନୂଆପଡ଼ା ସିଲ୍ଦା ନିକଟରେ ବଡ଼ ଧରଣର ସଡ଼କ ଦୁର୍ଘଟଣା ଘଟିଛି । ବୋଲେରୋକୁ ସାମ୍ନାପଟୁ ଧକ୍କା ଦେଲା ଟ୍ରକ । ଘଟଣାସ୍ଥଳରେ ୧୦ ଜଣଙ୍କ ମୃତ ହୋଇଛି ।
ମୃତକଙ୍କ ମଧ୍ୟରେ ୪ ଜଣ ମହିଳା ଓ ୬ ଜଣ ପୁରୁଷ ଅଛନ୍ତି । ଏମାନେ ସମସ୍ତେ ନୂଆପଡ଼ା କୋମନାକୁ ବୈଷ୍ଣବଦେବୀ ମନ୍ଦିର ଦର୍ଶନ ପାଇଁ ଆସିଥିଲେ । ଦର୍ଶନ ସାରି ଛତିଗଡ଼ ଫେରିବା ବେଳେ ଏହି ଦୁର୍ଘଟଣା ଘଟିଛି । ସମସ୍ତେ ଛତିଶଗଡ଼ ମହାସମୁନ୍ଦ ଅଞ୍ଚଳର ବୋଲି ଜଣାପଡ଼ିଛି ।