ଆଘାତ ପ୍ରାପ୍ତ ନାଗ ସାପର ପ୍ରତିବାଦ, ଫଣାଟେକି ରାସ୍ତାରୋକ୍ କରିବା ସହିତ ବାଇକ୍ ନେଇ ଯାଉଥିବା ଲୋକଙ୍କୁ ଗୋଡାଇଲା

ସୋର: ଆଘାତ ପ୍ରାପ୍ତ ନାଗ ସାପର ରାସ୍ତା ରୋକ୍। ଆଶ୍ଚର୍ଯ୍ଯ ଲାଗୁଥିଲେ ବି କଥା ଟି ସତ । ଯାହାକୁ ନେଇ ରାସ୍ତା ଉପରେ ଜମିଥିଲା ଲୋକଙ୍କ ଭିଡ । ଏଭଳି ଏକ ଘଟଣା ଦେଖିବାକୁ ମିଳିଛି ବାଲେଶ୍ବର ଜିଲ୍ଲା ସୋର ଅନନ୍ତପୁର ରାସ୍ତା କୁଆମରା ନିକଟରେ ।

ମନୁଷ୍ଯର ଯେପରି କିଛି ଅସୁବିଧା ହେଲେ ସେ ରାସ୍ତାରୋକ, ଆନ୍ଦୋଳନ ପରି ପନ୍ଥା ଗ୍ରହଣ କରିଥାଏ ସେହିପରି ଏହି ନାଗ ସାପଟି ମଧ୍ୟ ରାସ୍ତାରୋକ କରି ପ୍ରତିବାଦ କରିଛି । ସୂଚନା ମୁତାବକ, ଗତକାଲି ରାତିରେ କୌଣସି ଏକ ଅଜଣା ଗାଡି ରାସ୍ତା ପାରି ହେଉଥିବା ଏହି ନାଗ ସାପକୁ ଆଘାତ ଦେଇ ଚାଲି ଯାଇଥିଲା । ଯାହାପରେ ଆଘାତ ପ୍ରାପ୍ତ ସାପଟି ରାଗିଯାଇଥିଲା ଏବଂ ଦିର୍ଘ ସମୟ ପର୍ଯ୍ୟନ୍ତ ରାସ୍ତା ଉପରେ ଫଣାଟେକି ରହିବା ସହ ରାସ୍ତାରେ ବାଇକ୍ ନେଇ ଯାଉଥିବା ଲୋକଙ୍କୁ ଗୋଡାଇଥିଲା ।

ତେବେ ଏହି ଖବର ପାଇ ଘଟଣାସ୍ତଳରେ ଲୋକଙ୍କ ଭିଡ ଜମିଥିଲା । ରାସ୍ତାରେ ଲୋକ ଅଟକି ରହିଥିଲେ । କିଛି ଯୁବକ ଉକ୍ତ ସାପଟିକୁ କୌଶଳ କ୍ରମେ ରାସ୍ତାରୁ ଆଣି ଏକ ପଡିଆ ପିକଟରେ ରଖିବା ସହତ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ ।