ରାତିଅଧରେ ତାଲା ଭାଙ୍ଗି ଘରେ କଳାକନା ବୁଲାଇଲେ ଦୁବୃର୍ତ୍ତ, ଲୁଟିନେଲେ ୧୫ ଲକ୍ଷର ଗହଣା
ନୀଳଗିରି : ଅଧରାତିରେ ଘରେ କଳାକନା ବୁଲାଇଲେ ଦୁବୃର୍ତ୍ତ । ସୋମବାର ରାତିରେ କାଳୀପୂଜା ମେଳା ଦେଖିବାକୁ ଯାଇଥିବା ସମୟରେ ଘରେ ପଶି ଲୁଟିଲେ ଦୁବୃର୍ତ୍ତ । ବାଲେଶ୍ୱର ଜିଲ୍ଲା ନୀଳଗିରି ବ୍ଲକର ପୋଡ଼ାଶୁଳ ଗାଁରେ ସଂଜୀବ କୁମାର ବେହେରାଙ୍କ ଘରେ ଘଟିଛି ଏଭଳି ଘଟଣା ।
ସୂଚନା ଅନୁସାରେ ଗତକାଲି ପଡୋଶୀଙ୍କ ଘରେ ଚାବି ଦେଇ ମେଳା ବୁଲି ଯାଇଥିଲେ ସଂଜୀବଙ୍କ ସ୍ତ୍ରୀ-ପୁଅ । ଯାତ୍ରା ଦେଖି ଘରକୁ ଆସିବା ବେଳକୁ ଘରର ମୁଖ୍ୟ କବାଟରେ ତାଲା ଭଙ୍ଗା ଯାଇଥିବା ଦେଖିବାକୁ ପାଇଥିଲେ । ଘର ଭିତରକୁ ଯାଇ ଦେଖିଲା ବେଳକୁ ଆଲମିରା ଚାବି ଭାଙ୍ଗିଯାଇଛି ଏବଂ ଘରେ ଥିବା ପାଖାପାଖି ୪୦ ହଜାର ଟଙ୍କା ସହିତ ୧୫ ଲକ୍ଷରୁ ଉର୍ଦ୍ଧ ଟଙ୍କାର ଗହଣା ଚୋରି ହୋଇଯାଇଛି । ତେବେ ଯାତ୍ରାର ଫାଇଦା ଉଠାଇ ଦୁର୍ବୃତ୍ତ ମାନେ ଏପରି କରିଥିବାର ଚର୍ଚ୍ଚା ଜୋର ଧରିଥିବା ବେଳେ ଭୟର ବାତାବରଣ ସୃଷ୍ଟି ହୋଇଛି ।