ଚଳନ୍ତା ବ୍ୟାଟେରି ସ୍କୁଟିରେ ଲାଗିଲା ନିଆଁ, ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ ଚାଳକ

କଟକ : ତ୍ରିଶୁଳିଆ ପୋଲ ଉପରେ ଚଳନ୍ତା ବ୍ୟାଟେରି ସ୍କୁଟିରେ ଲାଗିଗଲା ନିଆଁ ।  ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତ୍ତିଗଲେ ଗାଡ଼ି ଚାଳକ । ଆଜି ସକାଳେ ବ୍ୟକ୍ତି ଜଣଙ୍କ ତ୍ରିଶୁଳିଆରୁ କଟକ ଅଭିମୁଖେ ଆସୁଥିଲେ । ହଠାତ୍ ସ୍କୁଟିରେ ନିଆଁ ଲାଗିଯାଇଥିଲା । ଚାଳକ ଏହା ଜାଣିପାରି ଗାଡ଼ି ଛାଡ଼ି ପଳାଇ ଯାଇଥିଲେ । ପରେ ରାସ୍ତାରେ ଉପରେ ବ୍ୟାଟେରି ସ୍କୁଟିକୁ ହୁତୁ ହୁତୁ ହୋଇ ଜଳିଯାଇଥିଲା । ତେବେ ସ୍କୁଟିରେ କିପରି ନିଆଁ ଲାଗିଲା ତାହା ଜଣାପଡ଼ି ନାହିଁ । ସର୍ଟ ସର୍କିଟରୁ ଏହି ନିଆଁ ଲାଗିଥିବା ସନ୍ଦେହ କରାଯାଉଛି । ନିଆଁରେ ଗାଡ଼ିଟି ପୋଡ଼ି ପାଉଁଶ ହୋଇଯାଇଛି ।