ସାମନାକୁ ଆସିଲା ଘଟଣାବେଳର ଦୃଶ୍ୟ, ଭିଡିଓରେ ଆର୍ମୀ ମେଜର ଓ ବାନ୍ଧବୀଙ୍କ ସହ ରୋଡ ରୋମିଓଙ୍କ ଯୁକ୍ତିତର୍କ
ଭୁବନେଶ୍ବର : ଭରତପୁର ଥାନାରେ ଆର୍ମୀ ମେଜର ଗୁରବନ୍ତ ସିଂ ଓ ତାଙ୍କ ବାନ୍ଧବୀଙ୍କ ସହ ପୋଲିସର ବିବାଦ ଘଟଣାରେ ଆସିଲା ନୂଆ ଭିଡିଓ । ପ୍ରକୃତରେ କଣ ଘଟିଥିଲା ସେହି ଦିନ ରାସ୍ତାରେ । ସବୁ କିଛି ରହିଛି ଏହି ଭିଡିଓରେ । ଯେଉଁ ଅଭିଯୋଗ ଆସୁଥିଲା କିଛି ଯୁବକ ତାଙ୍କୁ ହଇରାଣ ଓ ଦୁର୍ବ୍ୟବହାର କରିଥିଲେ ସେହି ଭିଡିଓ ସାମ୍ନାକୁ ଆସିଛି । ଏହି କଥା କଟାକଟିର ଭିଡିଓ ଭାଇରାଲ ହେଉଛି । କଣ ହୋଇଥିଲା ସେହି ଶନିବାର ଦିନ ରାତିରେ । ରେଷ୍ଟୁରାଷ୍ଟ ବନ୍ଦ କରି ଫେରୁଥିଲେ ଅଙ୍କିତା ଓ ମେଜର ଗୁରୁବନ୍ତ ସିଂହ ।
ପଥର ଗାଡିଆ ନିକଟରେ ଯେଉଁ ସାତ ଯୁବକଙ୍କ ସହ ଗଣ୍ଡଗୋଳ ହୋଇଥିଲା । ଅଙ୍କିତା କିଛି ଯୁକ୍ତି ତର୍କ କରୁଛନ୍ତି । ଯୁବକ ଓ ଅଙ୍କିତାଙ୍କ ମଧ୍ୟରେ ହେଉଛି କଥା କଟାକଟି । କିଛି ଦୂରରେ ଗୁରୁବନ୍ତ୍ ଠିଆ ହୋଇଛନ୍ତି । ପରେ ସେ ଅଙ୍କିତାଙ୍କୁ ସେଠାରୁ କାର ମଧ୍ୟକୁ ନେଇ ଯାଇଛନ୍ତି । ସେହି ସମୟରେ ସଂପୃକ୍ତ ଯୁବକ ଓ ଗୁରୁବନ୍ତଙ୍କ ମଧ୍ୟ ରେ ଠେଲା ପେଲା ହେଉଛି। ଏହା ପରେ ଅଙ୍କିତା ଓ ଗୁରୁବନ୍ତ ଭରତପୁର ଥାନାକୁ ଏତଲା ଦେବାକୁ ଯାଇଥିଲେ ।
ଏଭିତରେ ଭରତପୁର ଥାନା ଅଞ୍ଚଳରେ ମେଜର ଓ ତାଙ୍କ ବାନ୍ଧବୀଙ୍କ ଉପରେ ଆକ୍ରମଣ ଉଦ୍ୟମ କରିଥିବା ୭ ରୋଡ୍ ରୋମିଓଙ୍କୁ କାବୁ କରିଛି କମିଶନରେଟ୍ ପୋଲିସ। ସିସିଟିଭି ଆଧାରରେ ସେମାନଙ୍କୁ ଚନ୍ଦକା ଥାନାରେ ଅଟକ ରଖ ପଚରାଉଚରା କରୁଛି କ୍ରାଇମବ୍ରାଞ୍ଚ ଟିମ୍ । ଘଟଣା ଦିନରେ ରାତିରେ ଦୁର୍ବୃତ୍ତମାନେ ମେଜର ଓ ତାଙ୍କ ବାନ୍ଧବୀଙ୍କୁ ଦୁର୍ବ୍ୟବହାର କରିଥିଲେ।
