ରାଉରକେଲା: କ୍ଲାସ ଚାଲିଥିବା ବେଳେ ସ୍କୁଲ ଛାତରୁ ଖସିଲା ପ୍ଲାଷ୍ଟର, ବିପଦ ସଙ୍କୁଳ ଅବସ୍ଥାରେ ରହିଥିବା ସତ୍ତ୍ୱେ ମରାମତି ହେଉନଥିବା ଅଭିଯୋଗ
ରାଉରକେଲା(କେନ୍ୟୁଜ୍): କ୍ଲାସ ଚାଲିଥିବା ବେଳେ ସ୍କୁଲ ଛାତରୁ ଖସିଲା ପ୍ଲାଷ୍ଟର । ରାଉରକେଲା ମହାନଗର ନିଗମ ୪ ନମ୍ବର ୱାର୍ଡର ରଘୁନାଥପଲ୍ଲୀ ସରକାରୀ ସ୍କୁଲ ଛାତରୁ ଅତଡ଼ା ଖସିଛି । ଛାତ୍ରଛାତ୍ରୀ ପାଠ ପଢୁଥିବା ବେଳେ ପ୍ରଥମ ଓ ଷଷ୍ଠ ଶ୍ରେଣୀ ଗୃହର ଛାତରୁ ପ୍ଲାଷ୍ଟର ଖସିଛି । ଏଥିରେ କୌଣସି ପିଲା ଆହତ ହୋଇନାହାଁନ୍ତି । ବିଦ୍ୟାଳୟଟି ଅନେକ ଦିନ ହେବ ବିପଦ ସଙ୍କୁଳ ଅବସ୍ଥାରେ ରହିଥିବା ସତ୍ତ୍ୱେ ମରାମତି ହେଉନଥିବାରୁ ଏଭଳି ଘଟିଛି ।
