ଓଡିଶା ପୋଲିସର ନୂଆ ମୁଖ୍ୟ ହେଲେ ବରିଷ୍ଠ ଆଇପିଏସ୍ ଅଫିସର ବିଜୟ କୁମାର ଶର୍ମା। ୧୯୮୬ ବ୍ୟାଚର ବିଜୟ କୁମାର ଶର୍ମା ଏବେ ଅଗ୍ନିଶମ ଡିଜି, ହୋମଗାର୍ଡ ଡିଜି ଓ ସିଭିଲ ଡିଫେନ୍ସର ନିର୍ଦ୍ଦେଶକି ଅଛନ୍ତି । ବର୍ତ୍ତମାନର ପୋଲିସ ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା ଲୋକାୟୁକ୍ତ ସଦସ୍ୟ ନିଯୁକ୍ତି ମିଳିବା ପରେ ବିଜୟ କୁମାର ଶର୍ମାଙ୍କୁ ମିଳିଛି ଏହି ଗୁରୁ ଦାୟିତ୍ୱ।
୧୯୮୬ ବ୍ୟାଚର ବରିଷ୍ଠ ଆଇପିଏସ ବିଜୟ କୁମାର ଶର୍ମା । ଓଡିଶା ପୋଲିସର ନୂଆ ମୁଖିଆ । ବିଜୟଙ୍କୁ ମିଳିଛି ପୋଲିସ ଡିଜି ଭାବେ ଅତିରିକ୍ତ ଦାୟିତ୍ୱ । ସେ ଏବେ ହେଡ ଅଫ୍ ପୋଲିସ ଫୋର୍ସ । ବିଜୟ ଅଗ୍ନିଶମ ବିଭାଗ ଡିଜି, ହୋମଗାର୍ଡ ଡିଜି ଓ ସିଭିଲ ଡିଫେନ୍ସର ନିର୍ଦ୍ଦେଶକ ଅଛନ୍ତି । ବର୍ତ୍ତମାନର ପୋଲିସ ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା ଲୋକାୟୁକ୍ତ ସଦସ୍ୟ ନିଯୁକ୍ତ ମିଳିବା ପରେ ବିଜୟଙ୍କୁ ମିଳିଛି ଏହି ଦାୟିତ୍ୱ । ବିଜୟ କୁମାର ଶର୍ମା ଡିଜି ଭାବେ ଅତିରିକ୍ତ ଦାୟିତ୍ୱ ନେବାପରେ ଅଗ୍ନିଶମ ବିଭାଗ ଡିଜି, ହୋମଗାର୍ଡ ଡିଜି ଓ ସିଭିଲ ଡିଫେନ୍ସର ନିର୍ଦ୍ଦେଶକ ପଦବୀ ଖାଲି ପଡିବ । ସେହିଭଳି ପୂର୍ବତନ ପୋଲିସ ଡିଜି ତଥା ଓଏସଆରଟିସି ମୁଖ୍ୟ କେ.ଭି ସିଂହ ଅବସର ନେବା ପରେ ସେହି ଡିଜି ପାହ୍ୟା ପଦବୀ ଖାଲି ପଡିଛି । ଅର୍ଥାତ ଓଡିଶା ପୋଲିସରେ ଦୁଇଟି ଡିଜି ପାହ୍ୟା ପଦବୀ ଖାଲି ପଡିଛି । ତେଣୁ ଖାଲି ଥିବା ପଦବୀ ଗୁଡିକ ପାଇଁ କିଏ ପଦୋନ୍ନତି ହେବେ ତାକୁ ନେଇ ମଧ୍ୟ ଆରମ୍ଭ ହୋଇଛି ଚର୍ଚ୍ଚା । ଏହି ପଦବୀ ପାଇଁ ଆଗରେ ଅଛନ୍ତି ୧୯୮୮ ବ୍ୟାଚର ଦୁଇ ଆଇପିସ୍ ଅଫିସର ସତ୍ୟଜିତ୍ ମହାନ୍ତି ଓ ମନୋଜ ଛାବ୍ରା । ଖୁବ ଶୀଘ୍ର ଏମାନଙ୍କୁ ଡିଜି ପାହ୍ୟାକୁ ପଦନ୍ନୋତୀ ମିଳିପାରେ । ସତ୍ୟଜିତ୍ ମହାନ୍ତି ଏବେ ପୋଲିସ କମିଶନର ଅଛନ୍ତି । ସେହିଭଳି ମନୋଜ ଛାବ୍ରା ଅଛନ୍ତି ସ୍ପେସାଲ ଆର୍ମ ପୋଲିସ ଫୋର୍ସର ଏଡିଜି ଅଛନ୍ତି । ଖୁବ ଶୀଘ୍ର ପୋଲିସ ବିଭାଗରେ ବଡ ଧରଣରେ ଅଦଳ ବଦଳ ହୋଇପାରେ । ସେପଟେ ଆସନ୍ତାକାଲି ଦାୟିତ୍ୱ ଗ୍ରହଣ କରିବେ ବିଜୟ କୁମାର ଶର୍ମା । ଏଥିପାଇଁ ଡିଜି କାର୍ଯ୍ୟାଳୟରେ ପ୍ରସ୍ତୁତି ଆରମ୍ଭ ହେଲାଣି ।
ବିଜୟଙ୍କ ୩୩ବର୍ଷର ଉଲ୍ଲେଖନୀୟ ପୋଲିସ କ୍ୟାରିଅର। ସୁନ୍ଦରଗଡ, ସମ୍ବଲପୁର, ଫୁଲବାଣୀରେ ଏସପି ଥିଲେ। ଖୋର୍ଦ୍ଧା ଜିଲ୍ଲାରେ ଦୁଇ ଦୁଇଥର ଏସପି ଦାୟିତ୍ୱ ଦୁଲାଇଛନ୍ତି। ୧୯୯୯ରୁ ୨୦୦୬, ୭ବର୍ଷ ସିବିଆଇରେ କାମ କରିଛନ୍ତି ବିଜୟ କୁମାର ଶର୍ମା । ଏହା ମଧ୍ୟରେ ସିବିଆଇର ଇକୋନୋମିକ୍ ଅଫେନ୍ସ,ସ୍ପେସାଲ କ୍ରାଇମ ଓ ଆଣ୍ଟି କରପସନ୍ ବିଭାଗରେ ସେ ଦାୟିତ୍ୱ ତୁଲାଇଛନ୍ତି। ଓଡିଶା ଆସିବା ପୂର୍ବରୁ ସେ ସିବିଆଇର ଡେପୁଟି ଡାଇରେକ୍ଟର ଆଡମିନିଷ୍ଟ୍ରେସନ ଦାୟିତ୍ୱରେ ଥିଲେ । ୨୦୦୮ ରୁ ୨୦୧୨ ମସିହା ପର୍ଯ୍ୟନ୍ତ ସେ ଟୁଇନସିଟିର ପୋଲିସ କମିଶନର ଭାବେ କାର୍ଯ୍ୟ କରିଛନ୍ତି । ସେହି ସମୟ ଭିତରେ କମିଶନରେଟ ପୋଲିସର ଢ଼ାଞ୍ଚା ପରିବର୍ତ୍ତନ ହୋଇଥିଲା । କମିଶନରେଟ ପୋଲିସର ଭିତ୍ତିଭୂମି ବଢ଼ିଥିଲା । ପରେ କ୍ରାଇମବ୍ରାଞ୍ଚରେ ୭ବର୍ଷ କାର୍ଯ୍ୟ କରିଛନ୍ତି । ଯେଉଁଥିରେ ସେ କ୍ରାଇମବ୍ରାଞ୍ଚ ଆଇଜି, କ୍ରାଇମ୍ବ୍ରାଞ୍ଚ ଏଡିଜି ଓ କ୍ରାଇମବ୍ରାଞ୍ଚ ସ୍ପେସାଲ ଡିଜି ଦାୟିତ୍ୱ ତୁଲାଇଛନ୍ତି। ପରେ କିଛି ମାସ ଜେଲ ବିଭାଗ ଦାୟିତ୍ୱ ସମ୍ଭାଳି ଥିଲେ ବିଜୟ । ଏହାପରେ ଡିଜି ପାହ୍ୟାକୁ ତାଙ୍କର ପଦୋନ୍ନତି ହେବାପରେ ସେ ଅଗ୍ନିଶମ ବିଭାଗ ଡିଜି, ହୋମଗାର୍ଡ ଡିଜି ଓ ସିଭିଲ ଡିଫେନ୍ସର ନିର୍ଦ୍ଦେଶକି ଅଛନ୍ତି । ବିଜୟ କୁମାର ଶର୍ମା, ଆମେରିକାର ଫୁଲ ବ୍ରାଇଟ୍ ସ୍କୋଲାର ଓ ଜନ୍ ହପକିନ୍ସ ବିଶ୍ୱବିଦ୍ୟାଳୟରେ ପାଠ ପଢ଼ିଛନ୍ତି । ୨୦୦୪ ମସିହାରେ ରାଜସ୍ଥାନର ସାରିସ୍କାରେ ବାଘ ଗାଏବ ଘଟଣାରେ ବିଜୟ ଥିଲେ ତଦନ୍ତକାରୀ ଟାସ୍କ ଫୋର୍ସର ମୁଖ୍ୟ । ବିଜୟ କୁମାର ଶର୍ମା ବାରିପଦାରେ ଜନ୍ମ ଗ୍ରହଣ କରିଛନ୍ତି । ପୋଲିସ ସେବାରେ ଉଲ୍ଲେଖନୀୟ ଅବଦାନ ପାଇଁ ରାଷ୍ଟ୍ରପତି ପୋଲିସ ପଦକ ସମ୍ମାନରେ ସମ୍ମାନିତ ହୋଇଛନ୍ତି ବିଜୟ କୁମାର ଶର୍ମା ।
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…