ଭୁବନେଶ୍ବରରେ ସିରିଜ୍ ଦୁର୍ଘଟଣା: ପଛକୁ ପଛ ପିଟି ହେଲା ୩ଟି କାର, ୨ ଆହତ
ଭୁବନେଶ୍ବର: ଭୁବନେଶ୍ବର ଜାଭିଅର ଛକ ସ୍ୟାଣ୍ଡି ଟାୱାର ନିକଟରେ ସିରିଜ ଦୁର୍ଘଟଣା । ପଛକୁ ପଛ ପିଟିହୋଇଛନ୍ତି ୩ଟି କାର। ଦୁର୍ଘଟଣାରେ ୨ଜଣ ସାମାନ୍ୟ ଆହତ ହୋଇଥିବା ସୂଚନା ରହିଛି । ନିଶାସକ୍ତ ପ୍ରଥମ କାରଟି ଡିଭାଇଡର ଉପରକୁ ଚଢିଯାଇଥିବା ବେଳେ ଅନ୍ୟ ଦୁଇଟି କାର ପଛକୁ ପଛ ପିଟି ହୋଇଯାଇଥିଲା ।
ସୂଚନା ଅନୁସାରେ ଗତକାଲି ଜାଭିଅର ଛକ ସ୍ୟାଣ୍ଡି ଟାୱାର ସାମ୍ନାରେ ସିରିଜ ଦୁର୍ଘଟଣାରେ ୩ଟି କାର ପଛକୁ ପଛ ପିଟିହୋଇଛନ୍ତି । ଏଥିରେ ୨ ଜଣ ସାମାନ୍ୟ ଆହତ ହୋଇଥିବା ସୂଚନା ମିଳିଛି। ପ୍ରଥମ କାରଟି ନିଶାସକ୍ତ ଅବସ୍ଥାରେ ଚଲାଇ ରାସ୍ତାର ଡିଭାଇଡର ଉପରକୁ ଚଢାଇଦେଇଥିଲା । ତା ପଛକୁ ଆଉ ଏକ କାର ପିଟି ହୋଇଥିବା ବେଳେ ତାପଛକୁ ଆଉ ଗୋଟେ କାର ଆଣି ଦୁର୍ଘଟଣା ଘଟାଇଥିଲା । ତେବେ ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ ପ୍ରଥମ କାରରେ ୨ ଜଣ ଯୁବକ ଯୁବତୀ ବସିଥିଲେ ଏବଂ ନିଶାସକ୍ତ ଅବସ୍ଥାରେ ଗାଡି ଚଳାଉଥିଲେ। ପୋଲିସ ଗାଡ଼ି ଜବତ କରି ଘଟଣାର ତଦନ୍ତ ଆରମ୍ଭ କରିଛି ।
