ବାରିପଦା: ବନ ବିଭାଗକୁ ମିଳିିଲା ବଡ ସଫଳତା। ୪୫ କେଜି ହାତୀ ଦାନ୍ତ ଜବତ ସହ ୨ଜଣ ମାଫିଆକୁ ଗିରଫ କରିବାକୁ ସକ୍ଷମ ହୋଇଛନ୍ତି ବନ କର୍ମଚାରୀ । ନିଜେ ଗ୍ରାହକ ସାଜି ହାତୀଦାନ୍ତ ମୁଲଚାଲ କରିବାକୁ ଯାଇଥିଲେ ବନବିଭାଗ କର୍ମଚାରୀ। ୧୮ଲକ୍ଷ ଟଙ୍କାରେ ହାତୀଦାନ୍ତ ବିକ୍ରୀ ପାଇଁ ସରିଥିଲା ମୂଲଚାଲ। ସେତିକି ବେଳେ ମାଡି ବସିିଲେ ବନ କର୍ମଚାରୀ। ଆଉ ୨ମାଫିଆଙ୍କୁ ମଧ୍ୟ ଧରିବାକୁ ସକ୍ଷମ ହୋଇଥିଲେ। ଏଥିପାଇଁ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଥିଲା। ଶିମିଳିପାଳ ଅଭୟାରଣ୍ୟରୁ ମାଫିଆମାନେ ଏହି ହାତୀ ହାତୀଦାନ୍ତ ଆଣିଥିବା ପ୍ରଥମିକ ତଦନ୍ତରୁ ବନବିଭାଗ ସ୍ପଷ୍ଟ କରିଛି।
ତେବେ କେବଳ ଏହି ଦୁଇ ଅଭିଯୁକ୍ତ ନୁହେଁ, ଏଥିରେ ଏକ ର୍ୟ।କେଟ ଥିବା ଜଣା ପଡିଛି। ଅଧିକ ତଦନ୍ତ ଚାଲୁ ରହିଥିବା କହିଛନ୍ତି ବାରିପଦା ବନଖଣ୍ଡ ଅଧିକାରୀ। ଏହି ହାତୀ ଦାନ୍ତ ଗୁଡିକ ୮ଖଣ୍ଡ କରାଯାଇଛି। ଏସବୁ ଗୋଟିଏ ହାତୀର ଦାନ୍ତ ବୋଲି ସ୍ପଷ୍ଟ କରିଛନ୍ତି ବାରିପଦା ବନଖଣ୍ଡ ଅଧିକାରୀ। ଗତ ଜାନୁୟାରୀ ୬ ତାରିଖରେ କପ୍ତିପଦାର ଶାରୀଶୁଆ ଜଙ୍ଗଲରରେ ଦୁର୍ବୃତ୍ତମାନେ ଏକ ଦନ୍ତା ହାତୀକୁ ମାରି ଦାନ୍ତ କାଟି ନେଇଥିଲେ। ୪ ଦିନ ପରେ ବନ ବିଭାଗ ହାତୀର ମୃତଦେହ ଠାବ କରିଥିଲା । ଏହି କାରଣରୁ ୨ ଅଧିକାରୀଙ୍କୁ ନିଲମ୍ବନ କରାଯାଇଥିଲା । ସେହି ଦିନଠାରୁ ହାତୀଦାନ୍ତ ମାଫିଆଙ୍କ ଉପରେ କଡ଼ା ନଜର ରଖିଥିଲା ବନ ବିଭାଗ।
ହାତୀ ଦାନ୍ତର ଚାହିଦା ଦିନକୁ ଦିନ କମି ଆସୁଥିଲେ ମଧ୍ୟ ଶିକାରୀଙ୍କ ଅର୍ଥ ଲୋଭ କମିନାହିଁ । ଯାହାଫଳରେ ସେମାନ ଏଭଳି ଜଘନ୍ୟ କାଯ୍ୟର୍ କରୁଛନ୍ତି । ବର୍ତ୍ତମାନ ଅଧିକାଂଶ ଦେଶ ହାତୀଦାନ୍ତ କାରବାରକୁ ବେଆଇନ ଘୋଷଣା କରି ସାରିଛନ୍ତି। ତଥାପି କିଛି ଦେଶରେ ନିଜର ଆଭିଜାତ୍ୟ ଦେଖାଇବାକୁ ଧନୀ ଲୋକେ ଗହଣା, ପାନିଆ, ଘର ସଜାଇବା ପାଇଁ ଚଢାଦରରେ ନେଇ ବ୍ୟବହାର କରୁଛନ୍ତି ଏହି ହାତୀଦାନ୍ତକୁ। ଲୋଭ ରହୁଛି କେବେ ତ ବିକ୍ରି ହେବ ? ତେଣୁ ହାତୀ ଶିକାର କରିବା ପରେ ତାର ଦାନ୍ତ ଆଣି ବର୍ଷ ବର୍ଷ ଘରେ ଲୁଚାଇ ରଖୁଛନ୍ତି। ଆଉ ବିକ୍ରୀ କରିବା ବେଳେ ଧରା ପଡୁଛନ୍ତି ବନ ବିଭାଗ ହାତରେ।
ବାରିପଦାରୁ ସତ୍ୟଜିତ ସୋମଙ୍କ ରିପୋର୍ଟ , କେ ନ୍ୟୁଜ୍ ଓଡ଼ିଶା
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…