କେନାଲ ପାଇପ୍ ଭିତରେ ମିଳିଲା ଜ୍ବାଇଁଙ୍କ ମୃତଦେହ, ଉଦ୍ଧାର କଲା ଅଗ୍ନିଶମ ବିଭାଗ
କଣ୍ଟାବାଞ୍ଜି : ଶ୍ୱଶୁର ଘରେ ଜ୍ୱାଇଁ ମୃତ, କେନାଲ ପାଇପରେ ଗାଧୋଇଥିବା ବେଳେ ପଶିଗଲେ ଯୁବକ । ମୁରିବାହାଲ ଥାନା ପତ୍ରାପାଲି – ଅଇଁଲାଭଟା ଯିବା କେନାଲ ପାଇପରେ ଘଟିଛି ଏଭଳି ଅଭାବନୀୟ ଘଟଣା । ମୃତକ ଜାମକାନି ଗାଁ ର ମନ ମାଝୀ ବୋଲି ଜଣାପଡିଛି । ଅଇଲାଭଟା ଗାଁ ଶ୍ବଶୁର ଘରକୁ କୌଣସି କାମରେ ଆସିଥିଲେ । ୨ଜଣ ସଢୁ ସହ ଗାଧୋଇବାକୁ ଯାଇଥିଲେ । ହେଲେ ହଠାତ୍ ବୁଡ଼ିଯାଇଥିଲେ ମନ ।
ମନଙ୍କୁ ଖୋଜା ଖୋଜି କରି ନପାଇବାରୁ ସ୍ଥାନୀୟ ଲୋକଙ୍କୁ ଜଣାଇଥିଲେ ୨ସଢ଼ୁ। ପରେ ମୁରିବାହାଲ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଥିଲେ । ଏଥିସହ ଦମକଳ ବାହିନୀ ଦୀର୍ଘ ୪ଘଣ୍ଟା ଖୋଜିବା ପରେ ମୃତ ଦେହ ପାଇପ ଭିତରୁ ବାହାରିଥିଲା। ଏନେଇ ଘଟଣା ସ୍ଥଳରେ ମୁରିବାହାଲ ତହସିଲଦାର ପହଁଚି ତଦନ୍ତ କରୁଛନ୍ତି । ଏହି ଘଟଣା ପରେ ଗାଁ ରେ ଶୋକାକୁଳ ପରିବେଶ ସୃଷ୍ଟି ହୋଇଛି ।
