ଯାଜପୁର: କୁଳାଙ୍ଗାର ପୁଅର କଳୁଷିତ କର୍ମ,ଟଙ୍କା ପାଇଁ ମାଆକୁ ପିଟି ପିଟି କଲା ହତ୍ୟା

ଯାଜୁପର(କେନ୍ୟୁଜ୍): ଟଙ୍କା ପାଇଁ ମାଆକୁ ପିଟି ପିଟି ହତ୍ୟା କଲା ପୁଅ । ଏଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ବଡଚଣା ଥାନା ଅଞ୍ଚଳରେ । ବଡଚଣା ଗ୍ରାମର ସ୍ୱର୍ଗତ ଅନନ୍ତ ସାମଲଙ୍କ ବିଧବା ପତ୍ନୀ ସୁଷମା ସାମଲ (୫୨)ତିନି ପୁଅଙ୍କ ସହିତ ଘରେ ରୁହନ୍ତି । ଗତକାଲି ରାତିରେ ତାଙ୍କର ବଡପୁଅ ରଞ୍ଜନ ସାମଲ ନିଶାଶକ୍ତ ଅବସ୍ଥାରେ ଘରକୁ ଫେରି ମାଆକୁ ଟଙ୍କା ମାଗିଥିଲା । ପୁର୍ବରୁ ରଞ୍ଜନ ଘରୁ ଟଙ୍କା ନେଇ ସାଙ୍ଗସାଥୀରେ ନିଶା ସେବନ କରି ଟଙ୍କା ଉଡାଇ ଦେଉଥିବାରୁ ଟଙ୍କା ଦେବାକୁ ମାଆ ମନା କରିଥିଲେ । ଏଥିରେ ଉତକ୍ଷିପ୍ତ ହୋଇ ରଞ୍ଜନ ଏକ ଠେଙ୍ଗାରେ ମାଆକୁ ପିଟିବାରୁ ସେ ଗୁରୁତର ହୋଇପଡିଥିଲେ ।

ଅନ୍ୟ ଦୁଇ ପୁଅ ମାଆକୁ ଗୁରୁତର ଅବସ୍ଥାରେ ବଡଚଣା ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଏହି ଖବର ପାଇ ବଡଚଣା ପୋଲିସ ସେଠାରେ ପହଁଚି ଅଭିଯୁକ୍ତ ରଞ୍ଜନକୁ କାବୁ କରି ଥାନାକୁ ଆଣିଥିଲା । ଏନେଇ ପୋଲିସ ଏକ ହତ୍ୟା ମାମଲା ରୁଜୁ କରି ମୃତଦେହକୁ ଜବତ କରି ବ୍ୟବଛେଦ ପାଇଁ ପଠାଇଛି। ଏଥିସହ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିବା ସହ ଅଧିକ ତଦନ୍ତ ଜାରି ରଖିଛି।

Leave A Reply

Your email address will not be published.