୯ ବର୍ଷ ଝିଅର ଗାଲ କାଟି ଦେଲା ସାବତ ମା, ଚାଇଲ୍ଡ ଲାଇନ କଲା ଉଦ୍ଧାର

ବାଲିଗୁଡା(କେନ୍ୟୁଜ୍):  ସାବତ ମା ର କଠୋରତା l ନିଜ ଝିଅର ଗାଲ କାଟିଦେଲା ସାବତ ମା l ଘଟଣା ଘଟିଛି ବାଲିଗୁଡା ଥାନା ନିକଟସ୍ଥ କାମ୍ପଡା ଗ୍ରାମରେ l ସାବତ ମା ପାର୍ବତୀ କହଁର ନିଜ ୯ ବର୍ଷର ଝିଅର ଗାଲକୁ ବ୍ଲେଡରେ କାଟିଥିବା ନେଇ ଚାଇଲଡ ଲାଇନରେ ଅଭିଯୋଗ ପରେ ଘଟଣା ସ୍ଥଳରେ ପହଞ୍ଚିଛି ଚାଇଲଡ ଲାଇନ ଟିମ l ଝିଅଟିର ବାପା ଦିଲ୍ଲୀପ ଦିଗାଲ ପୂର୍ବରୁ ବିବାହ କରିଥିବା ପ୍ରଥମ ସ୍ତ୍ରୀ ସ୍ବର୍ଗତ ନର୍ମଦା ଦିଗାଲଙ୍କ ଝିଅକୁ ବିଭିନ୍ନ ସମୟରେ ଦ୍ଵିତୀୟ ସ୍ତ୍ରୀ ପାର୍ବତୀ  ନିର୍ଯାତନା ଦେଇ ଆସୁଥିବା ତଦନ୍ତରୁ ଚାଇଲଡ ଲାଇନ ଟିମ ଜାଣିବାକୁ ପାଇଛି l

ପ୍ରଥମ ସ୍ତ୍ରୀର ପରିବାର ସଦସ୍ୟ ମଧ୍ୟ ପୂର୍ବରୁ ସାବତ ମା ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି l ଚାଇଲଡ ଲାଇନ ଟିମ ଛୋଟ ଝିଅକୁ ଉଦ୍ଧାର କରି CWCରେ ହସ୍ତାନ୍ତର କରିଥିବା ବେଳେ ଝିଅଟି ସୁସ୍ଥ ଥିବା କହିଛନ୍ତି CWC ଟିମ୍ l ଏହି ଘଟଣାରେ  ଚାଇଲଡ ଲାଇନ ଟିମ ବାଲିଗୁଡା ଥାନାରେ ନିର୍ଯାତନା ନେଇ ଲିଖିତ  ଅଭିଯୋଗ ପରେ ବାଲିଗୁଡା ପୋଲିସ ସାବତ ମାକୁ ଅଟକ ରଖି ତଦନ୍ତ ଜାରି ରଖିଛି l