ମଦୁଆ ଡ୍ରାଇଭରଙ୍କୁ ସାବାଡ଼ ପାଇଁ ପୋଲିସ ପକ୍ଷରୁ କଡାକଡି ଯାଞ୍ଚ ଆରମ୍ଭ
ଘଟଗାଁ : ମଦ୍ୟପାନ କରି ଗାଡି ଚଳାଇବା କାରଣରୁ ଅନେକ ଦୁର୍ଘଟଣା ଘଟିବା ସହ ଜୀବନ ହାନି ହେଉଛି । ତେଣୁ ମଦୁଆ ଡ୍ରାଇଭରଙ୍କୁ ସାବାଡ଼ ପାଇଁ ପୋଲିସ ପକ୍ଷରୁ କଡାକଡି ଯାଞ୍ଚ ଆରମ୍ଭ ହୋଇଛି । ଏନେଇ ଘଟଗାଁ ପୋଲିସ ପକ୍ଷରୁ ଘଟଗାଁ ଥାନା ଅନ୍ତର୍ଗତ ଢେଙ୍କିକୋଟ ସ୍ଥିତ ଟୋଲଗେଟ ନିକଟରେ ରାଜପଥରେ ଯାତାୟତ କରୁଥିବା ଗାଡିର ଡ୍ରାଇଭର ମାନଙ୍କୁ ବ୍ରିଥ ଆନାଲାଇଜର ସାହାଯ୍ୟରେ ଚେକିଂ କରାଯାଉଛି । ମଦ୍ୟପାନ କରି ଗାଡି ଚଳାଉଥିବା ଡ୍ରାଇଭର ଚେକିଂରେ ଧରାପଡିଲେ ପୋଲିସ ଫାଇନ ଆଦାୟ କରୁଛି । ଆଗକୁ ଏଭଳି ଯାଞ୍ଚ ପ୍ରକ୍ରିୟା ଜାରି ରହିବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
