ଆସିବ ନୂଆ ରାୟ: ସୁମିତ-ତପସ୍ୱିନୀ ପାରିବାରିକ ବିବାଦ ମାମଲାର ଆଜି ହେବ ଶୁଣାଣି
ବ୍ରହ୍ମପୁର(କେନ୍ଯୁଜ୍):ବ୍ରହ୍ମପୁର ଡାକ୍ତର ସୁମିତ ସାହୁ-ତପସ୍ୱିନୀ ଦାସଙ୍କ ପାରିବାରିକ ବିବାଦ ମାମଲାରେ ଆଉ ଏକ ନୂଆ ମୋଡ। ଆସିକା ଚିନିକଳ ଅତିଥି ଭବନ ଛାଡିବାକୁ ତପସ୍ୱିନୀଙ୍କୁ ଚିଠି। ଗତ ୨ ତାରିଖରୁ ଅତିଥି ଭବନରେ ଥିବା ତପସ୍ୱିନୀଙ୍କୁ ଘର ଛାଡିବାକୁ ଚିନିକଳ କର୍ତ୍ତୁପକ୍ଷ ଚିଠି ଦେଇଥିବା ଜଣାପଡିଛି।
ଏପଟେ ଦୀର୍ଘ ୧୪ ଦିନ ପରେ ମୁହଁ ଖୋଲିଛନ୍ତି ସ୍ୱାମୀ ସୁମିତ। ସେ ଏକ ଅଡିଓ ଭାଇରାଲ୍ କରି କହିଛନ୍ତି, ତପସ୍ୱିନୀ ତାଙ୍କର ଓ ତାଙ୍କ ପରିବାର ନାଁରେ ଅଯଥା ବଦନାମ କରୁଛନ୍ତି। ତପସ୍ୱିନୀ ମୋ ଜୀବନକୁ ବରବାଦ କରିଦେଲେଣି। ସେ କେଉଁଆଡେ ଫେରାର୍ ହୋଇନାହାଁନ୍ତି , ଅସୁସ୍ଥତା ଯୋଗୁ ଛୁଟିରେ ଅଛନ୍ତି । କୋର୍ଟଙ୍କ ରାୟ ଅନୁସାରେ ସେ ଭଡା ଘର ଖୋଜୁଛନ୍ତି। ସେ ଉଭୟ ଶାରୀରିର ଓ ମାନସିକ ଭାବେ ଅସୁସ୍ଥ ଥିବାରୁ ଛୁଟିରେ ରହିଛନ୍ତି।
୧୦ ଦିନରୁ ଅଧିକ ଛୁଟିରେ ରହିବାରୁ ତାଙ୍କ ଦରମା ମଧ୍ୟ ମଧ୍ୟ କରାଯାଇଛି। ଅନ୍ୟପଟେ ସୁମିତ ଓ ତପସ୍ୱିନୀଙ୍କ ପାରିବାରିକ ବିବାଦ ମାମଲାର ଆଜି ହେବ ଶୁଣାଣି । ବ୍ରହ୍ମପୁର ଏସଡିଜେଏମ୍ କୋର୍ଟରେ ତପସ୍ୱିନୀଙ୍କ ଦ୍ୱାରା ଦାୟର ପିଟିସନ୍ର ଶୁଣାଣି ହେବ । କୋର୍ଟଙ୍କ ନିର୍ଦ୍ଦେଶକୁ ସୁମିତ ଅବମାନନା କରିଥିବା ନେଇ ଏସଡିଜେଏମ୍ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ତପସ୍ୱିନୀ ।
