ସୁନ୍ଦରଗଡ(କେନ୍ୟୁଜ୍): ଶିମଲା ହାଇକୋର୍ଟରେ ସୁନ୍ଦରଗଡ଼ ଜିଲ୍ଲାପାଳ ଡ. ଗାଭାଲି ପରାଗ ହର୍ଷଦ । ହିମାଚଳପ୍ରଦେଶର ଜେଲରେ ଥିବା ରାଉରକେଲା ଅଞ୍ଚଳର ଜଣେ କଏଦୀଙ୍କ ସମ୍ପର୍କରେ ସବିଶେଷ ତଥ୍ୟ ଦେବାରେ ଅବହେଳା କରିଥିବା ଦର୍ଶାଇ ଶିମଲା ହାଇକୋର୍ଟ ତାଙ୍କୁ ବ୍ୟକ୍ତିଗତ ଭାବେ ହାଜର ହେବାକୁ ନୋଟିସ ଜାରି କରିଥିଲେ । ଆଦେଶ ମୁତାବକ ଜୁଲାଇ ୫ ତାରିଖ ବୁଧବାର ଜିଲ୍ଲାପାଳ ଡ. ଗାଭାଲି କୋର୍ଟରେ ହାଜର ହୋଇ ଜବାବ ରଖିଛନ୍ତି ।
ତେବେ ସମଗ୍ର ପ୍ରକରଣରେ ଜିଲ୍ଲାପାଳଙ୍କ କାର୍ଯ୍ୟାଳୟସ୍ଥିତ ବିଚାର ଉପବିଭାଗର ୨ କର୍ମଚାରୀ ସୁଧାଂଶୁ ଶେଖର ମହାପାତ୍ର ଓ ସରୋଜ ସୁନାଙ୍କ ତ୍ରୁଟି ଥିବା ଦର୍ଶାଇ ଜିଲ୍ଲାପାଳ ସେମାନଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି। ଘଟଣାଟି ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି । ସୂଚନା ଅନୁସାରେ, କୌଣସି ଏକ ମାମଲାରେ ରାଉରକେଲା ଅଞ୍ଚଳର ଅମନ ଯାଦବ ନାମକ ଜଣେ ବ୍ୟକ୍ତି ହିମାଚଳପ୍ରଦେଶରେ ଜେଲ୍ରେ ଅଛନ୍ତି ।
କିଛି ମାସ ତଳେ ସେ କାରାବକାଶ (ପାରୋଲ)ରେ ଆସିବାକୁ ଆବେଦନ କରିଥିଲେ । ମାମଲା ଯାଇ ଶିମଲା ହାଇକୋର୍ଟରେ ପହଞ୍ଚିଥିଲା । କୋର୍ଟ ଅମନ ଯାଦବଙ୍କ କାରାବକାଶ ଆବେଦନର ବିଚାର କରିବା ପୂର୍ବରୁ ସୁନ୍ଦରଗଡ଼ ଜିଲ୍ଲାପାଳ ଓ ରାଉରକେଲା ଏସପିଙ୍କୁ ସମ୍ପୃକ୍ତ ବ୍ୟକ୍ତିଙ୍କ ସମ୍ପର୍କରେ ସବିଶେଷ ତଥ୍ୟ ମାଗିବା ସହ ଏ ସଂକ୍ରାନ୍ତରେ ଜିଲ୍ଲାପାଳଙ୍କ ସୁପାରିସ ଲୋଡ଼ିଥିଲେ ।
କୋର୍ଟଙ୍କ ଆଦେଶ ଅନୁସାରେ ଅମନ ଯାଦବଙ୍କ ସମ୍ପର୍କରେ ରାଉରକେଲା ଏସପି ତଥ୍ୟ ସଂଗ୍ରହ କରିଥିଲେ ମଧ୍ୟ ଜିଲ୍ଲାପାଳଙ୍କୁ ସୂଚୀତ ନକରି ଶିମଲା ହାଇକୋର୍ଟକୁ ପଠାଇ ଦେଇଥିଲେ । ତେବେ ଜିଲ୍ଲାପାଳଙ୍କ ପକ୍ଷରୁ କୌଣସି ସୁପାରିସ କି ରିପୋର୍ଟ ନଯିବାରୁ ହାଇକୋର୍ଟ କ୍ଷୁବ୍ଧ ହୋଇ ତାଙ୍କୁ ଜୁନ ୧୪ରୁ ୨୧ ତାରିଖ ମଧ୍ୟରେ ୩ ଥର ନୋଟିସ କରିଥିଲେ । ଜିଲ୍ଲାପାଳଙ୍କ ପକ୍ଷରୁ ଜବାବ ରଖାଯାଇଥିଲା ।
କିନ୍ତୁ ହାଇକୋର୍ଟ ସେଥିରେ ସନ୍ତୁଷ୍ଟ ନହୋଇ ୫ ତାରିଖରେ ବ୍ୟକ୍ତିଗତ ଭାବେ ହାଜର ହୋଇ ଜବାବ ରଖିବାକୁ ଆଦେଶ ଦେଇଥିଲେ। ତେବେ ଏସମ୍ପର୍କରେ ଜିଲ୍ଲାପାଳଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ ।
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…
ଲୋକସଭାରେ ବିରୋଧୀ ନେତା ହେବେ ରାହୁଲ ଗାନ୍ଧି । ଇଣ୍ଡିଆ ବ୍ଲକ୍ ଏହା ଉପରେ ମୋହର ମାରିଛି । କଂଗ୍ରେସର…
ପୁଣି ଲୋକସଭାର ବାଚସ୍ପତି ଭାବେ ନିର୍ବାଚିତ ହେଲେ ଓମ୍ ବିର୍ଲା । ବାଚ୍ନିକ ଭୋଟରେ ନିର୍ବାଚିତ ହେଲେ ଓମ୍ ବିର୍ଲା…
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…