ତନୁଜାଙ୍କ ମୃତ୍ଯୁ ଦୁର୍ଘଟଣା ନୁହଁ ହତ୍ଯା, ସ୍ବାମୀ ମାରିଥିବା ଅଭିଯୋଗ କଲେ ପରିବାରଲୋକ
ଭୁବନେଶ୍ୱର(କେନ୍ଯୁଜ୍) : ଭୁବନେଶ୍ୱରରେ କାର୍ ଭିତରୁ ସନ୍ଦେହଜନକ ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର ଘଟଣାର ଖୋଳତାଡ କରୁଛି ପୋଲିସ । ଏହି ଆତ୍ମହତ୍ୟା ନା ହତ୍ୟା ତଦନ୍ତ ଚଳାଇଛି ଲିଙ୍ଗରାଜ ଥାନା ପୋଲିସ । ଆଜି ଶ୍ରୀରାମନଗର ଅଞ୍ଚଳରେ ରାସ୍ତା କଡରେ ଛିଡା ହୋଇଥିବା ଏକ କାର୍ରୁ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଥିଲା ।
ମୃତ ମହିଳାଙ୍କ ନାଁ ତନୁଜା ଆଇଚ ଓ ଘର ଯାଜପୁରରେ । ଭୁନେଶ୍ୱରରେ ଏକ ଘରୋଇ ସ୍କୁଲରେ ସେ ଶିକ୍ଷୟିତ୍ରୀ ଥିଲେ । ତନୁଜାଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ତାଙ୍କ ସ୍ୱାମୀ ଓ ପୁଅର କୌଣସି ପତ୍ତା ମିଳୁନାହିଁ । କାରରୁ ଜମିଜମା କାଗଜ ଓ ଫ୍ୟାମିଲି ଫଟୋ ଜବତ କରାଯାଇଛି । ଯୋଜନାବଦ୍ଧ ଭାବେ ତନୁଜାଙ୍କୁ ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକ । ସ୍ୱାମୀଙ୍କ ସହ ତନୁଜାଙ୍କର ମନାନ୍ତର ଥିବାରୁ ସେ ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି । ସାଇଣ୍ଟିଫିକ୍ ଟିମ୍ ସହ ପୋଲିସ ଘଟଣାର ତଦନ୍ତ ଜାରି ରଖିଛି ।