ଶିକ୍ଷୟିତ୍ରୀ ତନୁଜା ଆଇଚ ହତ୍ୟା ଘଟଣା, କୋଲକତାରୁ ଗିରଫ ହେଲେ ଅଭିଯୁକ୍ତ ସ୍ୱାମୀ
ଭୁବନେଶ୍ୱର(କେନ୍ଯୁଜ୍) : ଭୁବନେଶ୍ୱରରେ କାର୍ ଭିତରୁ ସନ୍ଦେହଜନକ ଅବସ୍ଥାରେ ଶିକ୍ଷୟିତ୍ରୀ ତନୁଜା ଆଇଚଙ୍କ ମୃତଦେହ ଉଦ୍ଧାର ଘଟଣାରେ ସ୍ୱାମୀ ଗିରଫ । ଅଭିଯୁକ୍ତ ସ୍ୱାମୀ ସଂଗ୍ରାମଙ୍କୁ କୋଲକତାରୁ ଗିରଫ କରିଛି କମିଶନରେଟ୍ ପୋଲିସ । ସିସିଟିଭି ଫୁଟେଜ ଆଧାରରେ ସଂଗ୍ରାମ ଆଇଚଙ୍କୁ ଗିରଫ କରାଯାଇଛି । ସଂଗ୍ରାମଙ୍କୁ ଟ୍ରାନ୍ଜିଟ୍ ରିମାଣ୍ଡରେ ଆଣି ପଚରାଉଚରା ଚାଲିଛି ।
ତେବେ ତାଙ୍କ ପୁଅର କୌଣସି ପତ୍ତା ମିଳୁନାହିଁ । ତାକୁ ଖୋଜିବାକୁ ପୋଲିସର ତନାଘନା ଜାରି ରହିଛି । ସେପଟେ ମହିଳାଙ୍କ ମୃତଦେହ ବ୍ୟବଛେଦ ରିପୋର୍ଟରୁ ତାଙ୍କୁ ହତ୍ୟା କରାଯାଇଥିବା ସ୍ପଷ୍ଟ ହୋଇଛି । ତାଙ୍କ ମୁଣ୍ଡରେ ଶକ୍ତ ଆଘାତ ଲାଗିଛି । ତନୁଜାଙ୍କୁ ଘରେ ହତ୍ୟା କରି ଦୁର୍ଘଟଣାର ରୂପ ଦେବାକୁ ଚେଷ୍ଟା କରାଯାଇଥିବା ସନ୍ଦେହ କରୁଛି ପୋଲିସ । ଗତ ୧ ତାରିଖରେ ଭୁବନେଶ୍ୱର ଶ୍ରୀରାମନଗର ଅଞ୍ଚଳରେ ରାସ୍ତା କଡରେ ଛିଡା ହୋଇଥିବା ଏକ କାର୍ରୁ ତନୁଜାଙ୍କ ମୃତଦେହ ଉଦ୍ଧାର ହୋଇଥିଲା । ସ୍ୱାମୀଙ୍କ ସହ ତନୁଜାଙ୍କର ମନାନ୍ତର ଥିବାରୁ ସେ ହତ୍ୟା କରିଥିବା ପରିବାର ଲୋକ ଅଭିଯୋଗ କରିଥିଲେ ।