ମାତ୍ର ୫୦ ଟଙ୍କା ପାଇଁ ମହାଭାରତ, ଟାଙ୍ଗିଆ ଚୋଟରେ ବାପା, ମାଆ ଓ ପୁଅ ଲହୁଲୁହାଣ

ଅନୁଗୋଳ : ମାତ୍ର ୫୦ ଟଙ୍କା ପାଇଁ ମହାଭାରତ ।  ଟାଙ୍ଗିଆ ଚୋଟରେ ବାପା, ମାଆ ଓ ପୁଅ ଲହୁଲୁହାଣ ।  ଅନୁଗୋଳ ଜରପଡ଼ା ଥାନା କୁଶିକିଳା ଗାଁରେ ଏଭଳି ଅଭାବନୀୟ ଘଟଣା ଘଟିଛି ।  ଗୁରୁତର ଆହତ ଲବଙ୍ଗ ସାହୁ ତାଙ୍କ ସ୍ବାମୀ ଓ ପୁଅ ଲିକୁ ସାହୁ ।  ଚିକିତ୍ସା ପାଇଁ ସେମାନଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି ।

ଆକ୍ରମଣକାରୀ ହେଉଛନ୍ତି ପୁତୁରା ଚିଣ୍ଟୁ ସାହୁ ଓ ତାଙ୍କ ବାପା ଭୁବନୀ ସାହୁ ।  ପୁଅ ପକେଟରୁ ୫୦ ଟଙ୍କା କିଏ ଚୋରି କରିଛି ବୋଲି ଲବଙ୍ଗ ଗାଳି କରିଥିଲେ ।  ଏଥିରେ ଉତକ୍ଷିପ୍ତ ହୋଇ ଭୁବନୀ ଓ ଚିଣ୍ଟୁ ଲବଙ୍ଗ, ତାଙ୍କ ସ୍ବାମୀ ଓ ପୁଅକୁ ଟାଙ୍ଗିଆ ଏବଂ ରଡରେ ଆକ୍ରମଣ କରିଥିଲେ ।  ଆକ୍ରମଣକାରୀ ବାପା-ପୁଅ ଫେରାର ଥିବାବେଳେ ପୋଲିସ ତଦନ୍ତ ଜାରି ରଖିଛି ।