ମୋହନାରେ ଘଟିଲା ଅଘଟଣ, ଟ୍ରକ୍ ଧକ୍କାରେ ଚାଲିଗଲା ବାଇକ ଚାଳକଙ୍କ ଜୀବନ, ୧ଗୁରୁତର
ମୋହନା : ଟ୍ରକ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ଆହତ ହୋଇଛନ୍ତି । ମୃତକ ରାମଗିରି ଥାନା ପଣସଢିଅ ଗାଁର ପରମlନନ୍ଦ ରଇତ । ଗୁରୁତର ଆହତ ହେଲେ ସେହି ଗାଁର ଭାସ୍କର ଦଲାଇ । ଘଟଣା ଘଟିଛି ମୋହନା ଥାନା କମଳାପୁର ଛକ ନିକଟରେ । ସୂଚନା ପ୍ରକାରେ ଏକ ପାଇପ ବୋଝେଇ ଟ୍ରକ ବ୍ରହ୍ମପୁରରୁ ମୋହନା ଆସୁଥିବା ବେଳେ ବାଇକ ଯୋଗେ ରାମଗିରିରୁ ବ୍ରହ୍ମପୁର ଅଭିମୁଖେ ଯାଉଥିବା ବାଇକଟି ଟ୍ରକ ସହ ଧକ୍କା ହୋଇଥିଲା ।
ମୋହନା ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ମୋହନା ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରିଥିଲା । ତେବେ ଡାକ୍ତରଖାନାରେ ପରମାନନ୍ଦଙ୍କୁ ଡାକ୍ତର ଆଶୁତୋଷ ପ୍ରଧାନ ମୃତ ଘୋଷଣା କରିଥିବା ବେଳେ ଗୁରୁତର ଆହତ ଭାସ୍କରଙ୍କୁ ବ୍ରହ୍ମପୁର mkcg ମେଡିକାଲ ପଠାଯାଇଛି । ପୋଲିସ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିବା ସହ ଚାଳକଙ୍କୁ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛି ।
