ରାଉରକେଲା: ରାଉରକେଲା କୋଏଲ ନଦୀରେ ଛାତ୍ର ବୁଡି ନିଖୋଜ ଘଟଣା । ଦୀର୍ଘ ୩୦ ଘଣ୍ଟା ପରେ ଉଦ୍ଧାର ହେଲା ନାବାଳକର ମୃତଦେହ । କୋଏଲ ନଦୀର ତୁମକେଲା ଘାଟ ନିକଟରୁ ମିଳିଛି ମୃତଦେହ ।
ନିଶ୍ଚିତ ପଢନ୍ତୁ ଏହି ସବୁ ଷ୍ଟୋରୀ
ସୂଚନା ଅନୁସାରେ ଗତ ୩ ତାରିଖ ଅପରାହ୍ନ ୪ଟା ବେଳେ ଘଟିଥିଲା ଘଟଣା । ନାବାଳକ ଜଣଙ୍କ ସାଙ୍ଗ ମାନଙ୍କ ସହ ସେକ୍ଟର ୧୯ କୋଏଲ ନଦୀ ହମିରପୁର ଘାଟକୁ ଗାଧୋଇବା ପାଇଁ ଯାଇଥିଲେ । ଗାଧୋଇବା ବେଳେ ଅସାବଧାନତା ବଶତଃ ତିନି ଜଣ ବୁଡ଼ିଯାଇଥିଲେ । ଦୁଇ ସାଙ୍ଗ ବୁଡ଼ିଯିବା ଦେଖି ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରିଥିଲେ । କିନ୍ତୁ ନଦୀରେ ବୁଡ଼ି ନିଖୋଜ ହୋଇଥିଲେ ନାବାଳକ ପ୍ରତୀକ ବଡାଇକ । ତେବେ ନାବାଳକଙ୍କ ମୃତଦେହ ଉଦ୍ଧାର ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।