ରଂ ନମ୍ବରରେ ହୋଇଥିଲା ପ୍ରେମ, ପ୍ରେମିକାକୁ ୧୦୦ କିଲୋମିଟର ସାଇକେଲରେ ଆଣିବା ହେଲା ବୃଥା
କେନ୍ଦ୍ରାପଡା (କେନ୍ୟୁଜ); ପ୍ରେମ ଶାଶ୍ବତ, ପ୍ରେମ ଚିରନ୍ତନ ଆଉ କେତେବେଳେ ପ୍ରେମ ଅନ୍ଧ । ପ୍ରେମ ଆଗରେ ସବୁକିଛି ହାର ମାନିଛି । ପ୍ରେମ ପାଇଁ ନିଜ ଜୀବନ ହାରିଥିବା ଘଟଣା ଗଣମାଧ୍ୟମରେ ଅନେକ ପ୍ରକାଶ ପାଇଛି । କିଏ ପ୍ରେମରେ ବିଫଳ ହୋଇ ଜୀବନ ହାରିଛି ତ କେତେବେଳେ ପ୍ରେମରେ ପରିବାର ବିରୋଧୀ ହେଲେ ପ୍ରେମୀଯୁଗଳ ଏକାସାଙ୍ଗରେ ଜୀବନ ହାରୁଛନ୍ତି । ସେହି ପ୍ରେମକୁ ନେଇ ଏମିତି ଏକ ଘଟଣା ଘଟିଛି କେନ୍ଦ୍ରାପଡା ଜିଲ୍ଲାରେ। ଯାହାକୁ ଆପଣ କେବେ ଶୁଣି ନଥିବେ।
କେନ୍ଦ୍ରାପଡା ବାରୋ ଅଞ୍ଚଳର ଜଣେ ୨୩ ବର୍ଷ ର ଯୁବକ ରଂ ନମ୍ବରରେ କଥା ହୋଇ ମହାକାଳପଡ଼ା ବ୍ଲକ ଅନ୍ତର୍ଗତ ଛପାଲିର ଜଣେ ଝିଅକୁ ପ୍ରେମ କରି ବସିଲେ। ଝିଅର ପ୍ରେମ ନିବେଦନ ଓ ଅନୁରୋଧ କ୍ରମେ କେନ୍ଦ୍ରାପଡାରୁ ଯାଇ ଛପାଲିରୁ ରାତି ଅଧରେ ପ୍ରେମିକାକୁ ସାଇକେଲରେ ସାଙ୍ଗରେ ଧରି ୧୦୦ କିଲୋମିଟର ନେଇ ଆସି ଘରେ ପହଞ୍ଚିଥିଲେ।
ଏହା ପରେ ଜଣାପଡିଥିଲା ଯେ ଝିଅଟି ନାବାଳିକା । ଝିଅକୁ ବିବାହ ପାଇଁ ବୟସ ହୋଇନଥିଲା। ଏକଥା ପୁଅର ବାପା ଜାଣିବା ପରେ ଆଇନକୁ ସମ୍ମାନ ଜଣାଇବା ସହିତ ପୁଅର ଭୁଲ କୁ ପ୍ରଶୟ ନଦେଇ ନାବାଳିକା ଝିଅକୁ ସ୍ଥାନୀୟ ନିକିରାଇ ଥାନାରେ ଜିମା ଦେଇଥିଲେ। ୧୮ ବର୍ଷ ନ ହୋଇଥିବାରୁ ଝିଅକୁ ସସମ୍ମାନ ତାଙ୍କ ଘରେ ଛାଡ଼ିଥିଲେ। ତେବେ ବର୍ତ୍ତମାନ ସମୟରେ ଆଇନର ଗଳାବାଟ ଦେଇ ଅନେକ ଶିକ୍ଷିତ ଯୁବକ ଖସିବାକୁ ଚେଷ୍ଟା କରୁଥିବା ବେଳେ ପୁଅର ବାପାଙ୍କର ଏପରି କାର୍ଯ୍ୟ ସମାଜ ଆଗରେ ଉଦାହରଣ ସାଜିଛି।
