ମାଆ ଝିଅ ଜୀବନ୍ତ ଦଗ୍ଧ ମାମଲା, ହତ୍ୟା ଅଭିଯୋଗରେ ବାପା- ପୁଅ ଅଟକ

ସମ୍ବଲପୁର : ମାଆ ଝିଅ ଜୀବନ୍ତ ଦଗ୍ଧ ମାମଲାରେ ୨ ଅଟକ ।  ହତ୍ୟା ଅଭିଯୋଗରେ ବାପା ଓ ପୁଅ ଅଟକ ।  ଗତକାଲି ସମ୍ବଲପୁର ସଦର ଥାନା ଅନ୍ତର୍ଗତ ମାନେଶ୍ଵର ହାତପଦା ଠାରେ ଶୋଇଥିବା ବେଳେ ନିଆଁରେ ପୋଡ଼ି ହୋଇ ବୃଦ୍ଧା ମାଆ ସ୍ନେହଲତା ଦିକ୍ଷୀତ ଓ ଝିଅ ସୈରେନ୍ଦ୍ରୀଙ୍କ ମୃତ୍ୟୁ ହୋଇଥିଲା । ହତ୍ୟା ଅଭିଯୋଗରେ ବାପା-ପୁଅକୁ ଅଟକ ରଖିଛି ସଦର ଥାନା ପୋଲିସ ।  ମୃତ ବୃଦ୍ଧାଙ୍କ ସାନ ଝିଅ ଇନ୍ଦ୍ରାଣୀ ପୁରୋହୀତ ଗତକାଲି ମାଆ ଓ ଭଉଣୀଙ୍କୁ ହତ୍ୟା କରାଯାଇଥିବା ଅଭିଯୋଗ କରିଥିଲେ ।

ଅଭିଯୋଗ ପରେ ପୋଲିସ ବାପା ଜଗନ୍ନାଥ ଓ ତାଙ୍କ ପୁଅକୁ ଥାନାକୁ ନେଇ ଅଧିକ ପଚରାଉଚରା କରିଛି । ଉଭୟଙ୍କ ଉତ୍ତର ମେଳ ଖାଉନଥିବା ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି । ତେବେ ସମ୍ପତ୍ତି ବିବାଦ ଯୋଗୁଁ ହତ୍ୟା କରାଯାଇ ଥାଇପାରେ ବୋଲି ଜଣାପଡିଛି । ପୋଲିସ ଅଧିକ ତଦନ୍ତ ଜାରି ରଖଛି ପ୍ରମାଣ ଯୋଗାଡ଼ ହେଲେ ଉଭୟଙ୍କୁ ଗିରଫ କରାଯିବ । ସେପଟେ ମୃତ ସୈରେନ୍ଦ୍ରିଙ୍କ ହାତ ମୁଠାରେ ଜଗନ୍ନାଥଙ୍କ ପୁଅର ଚୁଟି ରହିଥିଲା । ଜଗନ୍ନାଥଙ୍କ ଦେହରେ ଆମ୍ପୁଡା ଦାଗ ମଧ୍ୟ ରହିଛି । ପୋଲିସ ସମସ୍ତ ଦିଗକୁ ନେଇ ତଦନ୍ତ କରୁଛି ।