ମୁଖ୍ୟମନ୍ତ୍ରୀଙ୍କ ଚା ପେ ଚର୍ଚ୍ଚା କାର୍ଯ୍ୟକ୍ରମ, ଜାତୀୟ ସ୍ତରର ଷ୍ଟାଡିଅମ କରିବା ପାଇଁ ଇଚ୍ଛା ଅଛି କହିଲେ ମୁଖ୍ୟମନ୍ତ୍ରୀ
କେନ୍ଦୁଝର : କେନ୍ଦୁଝରରେ ମୁଖ୍ୟମନ୍ତ୍ରୀଙ୍କ ଚା ପେ ଚର୍ଚ୍ଚା କାର୍ଯ୍ୟକ୍ରମ । ମୁଖ୍ୟମନ୍ତ୍ରୀ ମୋହନ ମାଝୀଙ୍କ କେନ୍ଦୁଝର ଗସ୍ତ କାର୍ଯ୍ୟକ୍ରମର ଆଜି ଦ୍ୱିତୀୟ ଦିନ ସକାଳୁ ସକାଳୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କେନ୍ଦୁଝର ଷ୍ଟାଡିଅମକୁ ମର୍ଣ୍ଣିଂ ୱାର୍କ କରିଥିଲେ । ବହୁ ଦିନରୁ ସେ ପ୍ରାତଃ ଭ୍ରମଣ କରୁ ଥିବା କହିଛନ୍ତି । ଏହା ଦ୍ଵାରା ଡାଇବେଟିସ ରୋଗ ସହ ବିଭିନ୍ନ ରୋଗ ରୁ ଉପଶମ ମିଳିଥାଏ ।
ସେ ନିଜେ ବି ଜଣେ ଫୁଟବଲ ଖେଳାଳି ବୋଲି କହିଥିଲେ । କେନ୍ଦୁଝର ଷ୍ଟାଡିଅମ ର ଉନ୍ନତିକରଣ ପାଇଁ ଜିଲ୍ଲାପାଳଙ୍କ ସମେତ ରାଜ୍ୟର ବିଭିନ୍ନ ବିଭାଗ ସହ ଆଲୋଚନା କରିଛନ୍ତି। ଜିଲ୍ଲାର ବିଭିନ୍ନ ସ୍ଥାନରେ ନୂତନ ଷ୍ଟାଡିଅମ କରିବା ସହିତ ଜିଲ୍ଲାରେ ଏକ ଜାତୀୟ ସ୍ତରର ଷ୍ଟାଡିଅମ କରିବା ପାଇଁ ତାଙ୍କର ଇଚ୍ଛା ଅଛି ବୋଲି କହିଛନ୍ତି ମୁଖ୍ୟମନ୍ତ୍ରୀ । ଫଳରେ ଏଠାରେ ଜାତୀୟ ସ୍ତର ର ଖେଳାଳି ସୃଷ୍ଟି ହୋଇପାରିବେ ବୋଲି ସେ କହିଥିଲେ ।
