ଗହଣା ଦୋକାନରେ ଜିଏସଟି ଠକେଇ, ଚଢ଼ାଉ କରି ଛାନଭିନ ଜାରି ରଖିଛି ଜିଏସଟି ବିଭାଗ
ଉଦଳା : ଗହଣା ବ୍ୟବସାୟରେ ବଡ଼ ଧରଣର ଜିଏସଟି ଠକେଇ । ଚଢ଼ାଉ କରି ଛାନଭିନ ଜାରି ରଖିଛି ଜିଏସଟି ବିଭାଗ । ଉଦଳା ବଜାର ମଝିରେ ଥିବା କର୍ମକାର ଜୁଏଲାରୀ ସପରେ ବଡ଼ ଧରଣର ଜିଏସଟି ଠକେଇ ଅଭିଯୋଗ ପାଇ ଆଜି ବାରିପଦା ସିଟି ଏବଂ ଜିଏସଟି ବିଭାଗର ଏକ ୫ ଜଣିଆ ଟିମ ଦୋକାନରେ ଚଢ଼ାଉ କରିଛି । ଏହି ଦୋକାନରେ ଚଢ଼ାଉ ସମୟରେ ଜିଏସଟି ବିଭାଗ ଅଧିକାରୀ ଙ୍କ ସହିତ ପୋଲିସ ମଧ୍ୟ ଉପସ୍ଥିତ ରହିଛନ୍ତି । ଦୋକାନରେ ମହଜୁଦ ଥିବା ସୁନା ଅଳଙ୍କାରର ଯାଞ୍ଚ କରିବା ସହିତ ସୁନା କିଣା ଏବଂ ବିକ୍ରି ସମ୍ବନ୍ଧୀୟ ସମସ୍ତ କାଗଜପତ୍ର ଯାଞ୍ଚ କରୁଛି ଜିଏସଟି ବିଭାଗ ।
ସମୁଦାୟ କେତେ ଟଙ୍କାର ସୁନା ଅଳଙ୍କାର ରହିଛି ଏବଂ ସେ ବାବଦରେ କେତେ ଟିକସ ଦିଆଯାଇଛି ତତସହିତ ବିକ୍ରି ହୋଇଥିବା ସାମଗ୍ରୀରେ ଜିଏସଟି ର ହିସାବ କରୁଛି ବିଭାଗ । ଏହି ଗହଣା ଦୋକାନରେ ବ୍ୟାପକ ପରିମାଣର ଜିଏସଟି ଠକେଇ ହୋଇଥିବା ଅଭିଯୋଗ ଆଧାରରେ ଚଢ଼ାଉ ହେଉଥିବା କହିଛନ୍ତି ଅଧିକାରୀ । ହେଲେ ପୁରା ଖାନ ତଲାସି ପରେ କେତେ ଟଙ୍କାର ଜିଏସଟି ଠକେଇ ହୋଇଛି ତାହା ସ୍ପଷ୍ଟ ହେବ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜଣାଯାଇଛି ।
